ACARA KEBAKTIAN ARISAN PUNGUAN DOHOT MARGA


01. Tangiang na hohom … amen

02. Marende BE. No. 257 : 1 – 2 “Jonok Debatanta”
1. Jonok Debatanta, unduk be ma hita lao marsomba tu Tuhanta. / Mijur Debatanta tu tongatonganta, tapahohom ma rohanta. / Somba ma Debata, di banua ginjang, na so halompoan.
2. Jonok Debatanta, surusuruanNa do manungkap di joloNa. / HabadiaonNa dipapujipuji dohot ende na umuli. / Hita pe, saude, sai girgir rohanta mangoloi Tuhanta.

03. Invocatio
L : Dibagasan roha na mariaia tu Debata, tapungka ma parsaoranta dohot Debata, marhitehite Goar ni Debata Ama, Anak dohot Tondi Parbadia.
R : Amen
L : Ianggo pangurupion di hita di bagasan goar ni Jahowa,
R : Sitompa langit dohot tano on.
L : Mandok mauliate ma hamu tu Jahowa, ai pardengganbasa do Ibana,
R : ai ro di salelenglelengna do asi ni rohana!
L : Dohonon ni Israel ma tongon:
R : Ai ro di salelenglelengna do asi ni rohana!
L : Jahowa do donganku, ndang mabiar ahu, tung aha ma tagamon bahenon ni jolma tu ahu?
R : Jahowa do pargogongku dohot endengku, jadi gabe hatuaonku ibana.
L : Haleluya! Martangiang ma hita:
Ale amanami jala Debatanami! Gok pujipujian dohot hamauliateon do husombahon hami tu adopanMu, ala dipajongjong jala dijou Ho do hami tu pangkirimon na mangolu marhite punguan on. Huhilala hami do pandonganionMu di saluhut na masa di ngolunami, jala dipasada Ho do hami dibagasan ihotihot ni Tondi Parbadia. Nuaeng pe dibagasan partangiangan on, sai patau ma hami di adopanMu, asa hujalo hami saluhut hagogoon na sian Ho, laho patupahon angka na denggan na pinangidoM. Dongani, jala horasi ma hami di pardalanan ni ngolunami, asa tung sada hami di adopanMu, songon Ho na marsada dibagasan Jesus Kristus rap dohot Tondi Parbadia na mangarajai sahat ro di saleleng ni lelengna. Amen.

04. Marende BE. No. 255 : 1 – 2 “Holan sada do na ringkot”
1. Holan sada do na ringkot, Jesus lehon i di au. / Manang aha pe na dapot ndang tuk pasonanghon au. / Nang arta, nang sangap, sude hamoraon, / ndang tau mangalehon di au hasonangan. / Alai molo dapot na sasada i, tongtong las rohangku hinorhonna i.
2. Molo naeng di ho tondingku arta na sasada i. / Ndang tarbahen luluanmu anggo so di ginjang i. / Disi, di siamun ni Tuhan Jahowa do hundul AnakNa na dung gabe jolma. / Ibana do jambar na sun denggan i, / antong o tondingku jalahi ma i.

05. Ayat Sijahaon
L : Ayat sijahaon dibagasan Parpunguanta sadari on, i ma na tarsurat dibagasan Filipi 2:1-11. Tajaha ma marsorinsorin, songon on ma didok disi: Molo tung adong apoapo marhitehite Kristus, dohot sosososo holong ni roha dohot parsaoran ni tondi, nang talup dohot asi ni roha,
R : gohi hamu ma halalas ni rohangkon: Sada ma parrohahon hamu; sada ma haholonganmuna; saroha, sapingkiran ma hamu!
L : Unang ma mardingkandingkan manang marhasangapon na rumar; alai sian toruk ni rohamuna be ma rajumi hamu donganmuna sumurung sian dirimuna!
R : Unang ma na ringkot di hamu be matahon hamu, dohot ma na di dongan!
L : Songon parrohaon ni Kristus Jesus ma parrohaonmuna!
R : Atik pe rupa ni Debata di Ibana, ndada songon na nidobo dirajumi rohana tudosna i tu Debata.
L : Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana.
R : Dipatutoru do dirina; na gabe pangoloi do Ibana paima mate, pola tung mate tarsilang!
L : Ala ni i do dipatimbo Debata Ibana jala dibasabasahon tu Ibana Goar na sumurung asa nasa goar,
R : asa somba tu Goar ni Jesus nasa ulu ni tot, na di banua ginjang i dohot na di tano, nang na ditoru ni tano,
L : jala asa nasa na marsoara marhatopothon: Jesus Kristus do Tuhan, bahen hasangapon ni Debata Ama! I do sahatna. Martua do na tumangihon Hata ni Debata, jala na umpeopsa.
R : Amen.

06. Marende BE. No. 248 : 1, 4 “Saleleng ho di tano on”
1. Saleleng ho di tano on patigor ma roham. / Paingotingot ma tongtong nidok ni Debatam.
4. Bolonghon sian rohami luhut na so ture. / Alai na sian Tuhan i ramoti ma sude.

07. Tangiang Pangondianon

08. Marende BE. No. 656 : 1 “Parhahamaranggion i”
1. Parhahamaranggion i lam hot jala togu, / singkop ma hasadaon i di Jesus i burju. / Rap sauduran hita be, marholong na tutu. / Mardame marlas roha ma di Jesus i tutu.

09. Jamita manang Renungan

10. Marende BE. No. 672 : 1, 3 “Tung godang situtu” pelean
1. Tung godang situtu, ulaonmu antong, dipasahat Tuhanta tu ho, / ndang adong be tingkim marnalemba tahe, ngolumi baen tiruan tongtong. / Sai patupa ma i ala ni Tuhani, so manghirim balosna tu ho / Debata do marnida na ni ulami manang na adong parbue ni i.

3. Ala nii boan ma sondang na tiur i, boan ma hata ni Tuhan i. / Sai urupi na pogos, na mardangol i asa ro tu Jesus Tuhanta i. / Sai patupa, d.u.

11. Tangiang Ale Amanami dohot Panutup

Sumber dari Buku Harian Edisi November – Desember 2018

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s