Tata Ibadah Arisan (Bahasa Batak)


1. Tangiang na hohom

2. Marende BE. No. 15: 4, 8 Aut Na Saribu Hali Ganda
Mauliate ma rohangku di Ho o Debata tongtong./
Dibaen sude denggan basaMu naung nilehonMu di au on./
Ai dipatongon Ho tongtong sude na ringkot di au on.
Sai pujionhu do basaMu saleleng na mangolu au./
Pasangaponhu do goarMu saleleng na marhosa au./
Maradu tos pe hosangki, naeng pujionku sangapMi.

3. Invocatio – Tangiang
U : Marhitehite Goar ni Debata Ama dohot Goar ni AnakNa, Tuhan Jesus Kristus dohot Goar ni Tondi Parbadia, na tumompa langit dohot tano on!
H : Amen!
U : Haleluya! Puji hamu ma goar ni Jahowa, mamujimuji ma hamu, ale naposo ni Jahowa!
H : Hamu angka na jongjong di bagasan joro ni Jahowa, ai Pardengganbasa do Jahowa, di angka alaman ni bagas ni Debatanta!
U : Puji hamu ma Jahowa, ai Pardengganbasa do Jahowa, endehon hamu ma goarNa, ai hasudungan do Ibana.
H : Ai nunga pola dipillit Jahowa si Jakob di Ibana, nang Israel asa Ibana nampunasa. Ai anggo ahu tangkas do huboto, tung na timbul do Jahowa, jala Tuhanta i mangatasi sude angka Debata sileban.
U : Nasa lomo ni rohaNa dipatupa Jahowa do di angka langit dohot tano on, di bagasan angka laut ro di sude angka lung. Haleluya!
Martangiang ma hita: Ale Tuhan Debata Parasiroha, mauliate ma dipasahat rohanami tongtong dibahen saluhut asi ni rohaM naung dijalo hami di bagasan parngoluonnami. Mauliate ma ala dipasada Ho do rohanami umbahen boi marpungu hami di bagasan tingki on laho mamuji pasangaphon GoarMu na badia i. Sai lam paganda ma asi dohot holong ni rohaM di bagasan parngoluonnami, asa lam tau hami manghaholongi dongannami tanda holongnami tu Ho ale Tuhan. Sai tangihon ma ale Tuhan tangiang pangidoannami on, marhite Jesus Kristus Tuhannami.
S : Amen.

4. Marende BE. No. 190: 1, 3 Las Rohangku Situtu
Las rohangku situtu mida Jesus na lulu./
Manjalahi hajolmaon, ai Ibana paluahon./
Jolma manisia i sian hamagoan i.
Las rohangku situtu ai parjambar au tutu./
Di na denggan sasudena, pinarbaga ni Debata./
Di sude na burju i mangihuthon Jesus i.

5. Manjaha Ende Pujian : Psalmen 98: 1 – 9 (Responsoria)
U : Endehon hamu ma di Jahowa ende na imbaru sada, ai nunga dipambahen Ibana angka halongangan; nunga ditumpahi siamunNa i dohot tanganNa na badia i Ibana.
H : Nunga dipabotohon Jahowa hatuaonNa i, nunga dipapatar Ibana hatigoranNa i di adopan ni angka parbegu.
U : Nunga diingot Ibana asi ni rohaNa dohot hasintonganNa tu bagas ni Israel, nunga diida luhut ujung ni tano on hatuaon ni Debatanta.
H : Marsuraksurak ma ho ale sandok tano on, mangolophon Jahowa, pangiar ma soaram marolopolop, jala marende ma hamu.
U : Puji hamu ma Jahowa, marangkup arbap dohot soara ni ende!
H : Marolopolop ma hamu di jolo ni Raja Jahowa, mardongan sarune dohot soara ni sangka.
U : Mardorom ma laut ro di isina, portibi on ro di pangisina i.
H : Martopaptopap ma angka batang aek, rap marolopolop ma angka dolok.
U : Di jolo ni Jahowa, ai nunga ro Ibana laho manguhum tano on, uhumonNa ma portibi on marhitehite hatigoran dohot angka bangso marhitehite hasintongan.
I do sahatna: Martua ma angka na tumangihon hata ni Debata jala na umpeopsa.
S : Amen.

6. Marende BE. No. 238: 1, 3 Ihuthon Au Sude Hamu
Ihuthon Au sude hamu, didok Tuhanta Jesus,/
Sai soadahon dirimu, hatangKu ma patulus,/
alai bolonghon ma sude parulanmu na so ture.
Hupatuduhon di hamu sipasidingonmuna./
Sude geduk ni rohamu sipaubaonmuna./
Ai naeng ias tondimu di na lao suda bohalmu.

7. Renungan

8. Marende BE. No. 221: 1, 3 Saleleng Jesushi
Saleleng Jesushi na mandongani au./
Maporus holsoholsongki, sai di Ibana au.
Sai dipatongon au tu hasonangan i./
Diiringiring Jesus au, mardalan lao tusi.

9. Tangiang Pangondian

10. Marende BE. No. 720: 1 . . . Naeng Marsinondang Ngolungku
Naeng marsinondang ngolungku diigil Jesus i,/
manang didia pe ahu tongtong huingot i./
Tiur marsinondang ido niigil ni Jesus,/
tongtong marsinondang, panondang do au tutu.
Ingkon hobas mangurupi angka na gale i,/
jala burju manghobasi songon Tuhanta i./
Tiur marsinondang ido diigil Jesus,/
tongtong marsinondang panondang do au tutu.
Tuhan urupi ma ahu, sai jaga rohangki./
Asa marsinondang ahu, Ho naeng tiruonhi./
Tiur marsinondang ido diigil Jesus,/
tongtong marsinondang panondang do au tutu.

11. Tangiang Panutup: Ale Amanami – Pasupasu (mengendehon) Amen – Amen – Amen.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s