Partording Ni Acara Arisan – Bahasa Batak


L : Liturgi; R: Ruas; S: Sude

1. Pangaradeon (saat teduh)

2. Marende BE No. 9: 1+3 “Hupuji Holong Ni RohaMu”
Hupuji holong ni rohaMu, o Tuhan Jesus Rajangki.
Tu Ho hulehon ma tondingku, ai i do pinangidoMi.
Huhalupahon ma diringku, mamingkir holong ni rohaMu.
Huhilala ingkon martuhan, ingkon mangolu au di Ho.
Ndang jumpang au be hangoluan aut unang dipatupa Ho.
Sai Ho do paradiananhu, sai gok di Ho nama langkangku.

3. Invocatio – Tangiang
L : Marhitehite Goar ni Debata Ama dohot Goar ni AnakNa Tuhan Jesus Kristus, dohot Goar ni Tondi Parbadia na tumompa langit dohot tano on.
S : Amen
L : Halleluya! Puji ma Jahowa, hamu ale angka sian banua ginjang, puji hamu Ibana di angka banua ginjang!
R : Puji Ibana, sude hamu ale angka surusuruanna, puji Ibana, sude hamu ale angka paranganna!
L : Puji Ibana, ho ale mata ni ari dohot bulan, puji Ibana, sude hamu ale bintang angka na marsinondang i!
R : Puji Ibana, hamu ale angka langit ni langitan dohot hamu ale aek angka na di atas ni langit!
L : Ingkon pujionnasida ma goar ni Jahowa, ai mandokkon Ibana, jadi tartompa ma nasida. Haleluya
Martangiang ma hita: Ale Tuhan Debata, na marpungu do hami dibagasan punguan na pinajongjongMon, mandok mauliate do rohanami tu Ho ai tongtong do diiringiring Ho hami sahat tu sadari on. Ale Tuhan, ndang adong sipangasahononnami di ngolu on, ia so holan pangurupion dohot panogunoguonMu di hami. Antong, i do na hupangido hami sian Ho di na marsaor hami dohot Ho di partangiangan on, asa urupi jala togutogu hami mandalani ngolunami marhitehite Tuhan Jesus Kristus Tuhannami.
R : Amin

4. Marende BE No. 464 : 1 “Huboan Ma Diringku”
Huboan ma diringku, Tuhan, hibul tu Ho.
Ai au do tinobusMu, umbaen tarbaen au ro.
Pagalak ma rohangku, dison managam au.
TondiMi ma suru, na boi manggomgom au.

5. Pamujion Tu Debata. Psalmen 112: 1-9
L : Martua ma baoa na mangkabiari Jahowa, na lomo roha situtu di angka patikna!
R : Sangap ma pinomparna i sogot di tano on, dapotan pasupasu ma sundut ni angka partigor sogot.
L : Hamoraon marlobilobi di bagasan jabuna, jala hot do hatigoranna i ro di salelenglelengna.
R: Sai binsar do di partigor i hatiuron di haholomon, sian Ibana pardengganbasa, parasi roha jala na bonar.
L : Mardohar ma baoa na asi roha dohot na pasalihonsa, tarondolhonsa ma angka hatana di paruhuman.
R : Ndang tagamon humordit ibana salelenglelengna, marbarita salelenglelengna do partigor i.
L : Ndang tagamon mabiar ibana binahen ni barita hinamago, nalom do rohana marhaposan tu Jahowa.
R: Marsitiopan do rohana, ndang mabiar ibana, paima idaonna pamaloson tu angka alona i.
L : Manaburi ibana, mangalehon tu angka na pogos, hot do hatigoranna i ro di salelenglelengna, timbul ma tandukna sogot di bagasan hamuliaon.
Ido sahatna. Martua do na tumangihon Hata ni Debata jala na umpeopsa
S : Amen

6. Marende BE No. 25 : 1 “HataMi, Ale Tuhanku”
HataMi, ale Tuhanku, arta na ummarga i,
sai paian di rohangku, unang so hutiop i.
Molo so be sitiopan hata na badia i, aha nama haojahan ni haporseaon i ?

7. Renungan

8. Marende BE No. 30 : 2 “Jesus Lehon Hatorangan”
Ganup ari ma ajari Hami na di haotoon i dope.
Asa lam porsea hami Ho sambing do hangoluannami i.
Lam lumeleng, lam pasolhot Tu rohaM ma rohanami.
Hombar tu HataM ma pangalahonami

9. Tangiang Pangondianon.

10. Marende BE No. 716 : 1 … “Di Na Mamolus Sandok Ngoluon” (Pelean)
Di na mamolus sandok ngolu on, gok do na marsak gale.
Boan sinondang tu na holom i asa margogo muse.
Bahen ma ahu parhiteanMu pasupasuM ma baor ma i.
Ale Tuhan hu patupa ma au, baen pasupasu tu dongan sude.
Sai baritahon Jesus na burju, tuk manesa dosa i,
Asa porsea di Jesus tutu, denggan pambaenmu disi.
Bahen ma ahu parhiteanMu pasupasuM ma baor ma i.
Ale Tuhan hu patupa ma au, baen pasupasu tu dongan sude.
Ula na denggan tu halak sude, songon binaenNa tu ho,
Ingot urupi luhut na gale, gabe parholong ma ho.
Bahen ma ahu parhiteanMu pasupasuM ma baor ma i.
Ale Tuhan hu patupa ma au, baen pasupasu tu dongan sude.

11. Tangiang Ale Amanami – Pasupasu – Mangendehon: Amen-Amen-Amen.

Disadur dari Buku Ibadah Harian, Edisi Maret – April 2018

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s