Partording Ni Acara Arisan, dari Buku Ibadah Harian edisi Mei – Juni 2018


Partording Ni Acara Arisan (Bahasa Batak)
L : Liturgi; R: Ruas; S: Sude

1. Pangaradeon

2. Marende BE No. 14: 1-2 “Puji Hamu Jahowa Tutu”
Puji hamu Jahowa tutu, Pardengganbasa, parasiroha salelengna i. Pardengganbasa i, parasiroha i.
Ingot tongtong, ale tondingkon, Sude na denggan na dipasonggop Debata tu ho. Denggan basaNa do na pangoluhon ho.

3. Invocatio – Doa
L : Marhitehite Goar ni Debata Ama dohot Goar ni AnakNa Tuhan Jesus Kristus dohot Goar ni Tondi Parbadia na tumompa langit dohot tano on.
S : Amen
L : Parasi roha jala pardengganbasa do Jahowa, lambat tarrimas jala parasiroha godang.
R : Ndang tongtong Ibana manorui, jala ndang gotos rohana saleleng ni lelengna.
L : Ndang dibahen tu hita hombar tu angka dosanta, jala ndang dibaloshon tu hita hombar tu angka hajahatonta.
R : Ai songon dao ni langit sian tano on do gogo ni asi ni rohana di angka na mangkabiari Ibana.
L : Songon dao ni habinsaran sian hasundutan dipadao Ibana sian hita angka pangalaosintai. Haleluya!
Martangiang ma hita: Ale Tuhan Debata, na marpungu do hami dibagasan punguan na pinajongjongMon, mandok mauliate do rohanami tu Ho ai tongtong do diiringiring Ho hami sahat tu sadari on. Ale Tuhan, ndang adong sipangasahonon nami di ngolu on, ia so holan pangurupion dohot panogunoguonMu di hami. Antong, i do na hupangido hami sian Ho di na marsaor hami dohot Ho di partangiangan on, asa urupi jala togutogu hami mandalani ngolunami marhitehite Tuhan Jesus Kristus Tuhannami.
R : Amin

4. Marende BE No. 471 : 3 “Hupilit Jesus Donganki”
Rohangku baen ingananMi, patiur ma langkangku, Huhatindangkon ma disi: Ho Jesus palitongku. Di Ho ngolungku ro diajalhu Jesus di Ho au mate, mangolu. Di Ho ngolungku ro diajalhu, Jesus di Ho au mate, mangolu.

5. Pamujion Tu Debata (Psalmen 98: 1-9)
L : Endehon hamu ma di Jahowa ende na imbaru sada, ai nunga dipambahen Ibana angka halongangan; nunga ditumpahi siamunna i dohot tanganna na badia i Ibana.
R : Nunga dipabotohon Jahowa hatuaonna i, nunga dipapatar Ibana hatigoranna i di adopan ni angka parbegu.
L : Nunga diingot Ibana asi ni rohana dohot hasintonganna tu bagas ni Israel, nunga diida luhut ujung ni tano on hatuaon ni Debatanta.
R: Marsuraksurak ma ho, ale sandok tano on, mangolophon Jahowa, pangiar ma soaram marolopolop, jala marende ma hamu.
L : Puji hamu ma Jahowa, marangkup arbap, mardongan arbap dohot soara ni ende!
R : Marolopolop ma hamu di jolo ni Raja Jahowa, mardongan sarune dohot soara ni sangka.
L : Mardorom ma laut ro di isina, portibi on ro di pangisina i.
R: Martopaptopap ma angka batang aek, rap marolopolop ma angka dolok.
L : Dijolo ni Jahowa, ai nunga ro Ibana laho manguhum tano on, uhumonna ma portibi on marhitehite hatigoran dohot angka bangso marhitehite hasintongan.
Ido sahatna. Martua do na tumangihon Hata ni Debata jala na umpeopsa
S : Amen

6. Marende BE No. 30 : 1 “Jesus Lehon Hatorangan”
Jesus lehon hatorangan, Hapistaran mangantusi hataMi. Lehon mata na marnida, dohot roha na umboto dalanMi. Asa tongtong maradophon. BohiMi mardalan hami, Asa digomgomi TondiMi ma hami.

7. Renungan

8. Marende BE No. 115 : 3 “Tuhan Debata”
Sai parbadiai, Sai tongtong rajai. Ale Tondi Porbadia, rohanami asa ria, mangoloi hataM Hombar tu rohaM.

9. Tangiang Pangondianon.

10. Marende BE No. 435 : 1 … “Marolopolop Tondingki” (Pelean)
Marolopolop tondingki ai naung di tobus Jesus i.
Hamu sude, bege ma i, sai las ro hangku mandok i.
Sonang ni tingki i, dung jumpang Jesus Tuhanki. Tondi na mangajari au, tarbaen marlasni roha au ! Sonang ni tingki i, dung jumpang Jesus Tuhanki.
Dihaol holongna rohangki, tung na so boi be mago i.
MataNa do manatap au, pinggolNa tumangihon au.
Sonang ni tingki i, Dung jumpang Jesus Tuhanki. Tondi na mangajari au, tarbaen marlasni roha au ! Sonang ni tingki i, dung jumpang Jesus Tuhanki.
Tu Jesus sahat ngolungki saleleng ni lelengna i.
Rap dohot au endehon ma, endengku na imbaru da.
Sonang ni tingki i, Dung jumpang Jesus Tuhanki. Tondi na mangajari au, tarbaen marlasni roha au ! Sonang ni tingki i, dung jumpang Jesus Tuhanki.

11. Tangiang Ale Amanami – Pasupasu – Mangendehon: Amen-Amen-Amen.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google+

You are commenting using your Google+ account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

w

Connecting to %s