Tata Ibadah Punguan (Arisan) – Bahasa Batak


1. JOUJOU LAHO MARSOMBA
P : Horas ma di hita saluhutna! Tung so habilangan do asi ni roha ni Tuhan i tu hita. Ganup ari ganup tingki do disarihon na ringkot di ngolunta. Diramoti do keluarga dohot sude ulaonta. Nda tama do hita mandok mauliate di saluhutna ? Antong ro ma hita, patedek ma sude rohamuna. Pahibul ma roha nang tondi marsomba Ibana. Taendehon ma: ‘Godang ni pasupasu i”

2. MANGENDEHON BE. NO. 706. GODANG NI PASUPASU I
Godang ni pasupasu i dilehon Tuhanki, tarlobi asiasiMi marhite anakMi
Jalo ma pujianki, Jesus Sipalua i, boi au bongot tu surgo i marnida hasangaponMi.
Ndang dung mansohot basaMi saleleng ngolungki, Ho ma tongtong pujionki
sangap di goarMi. Jalo ma pujianki, Jesus Sipalua i
boi au bongot tu surgo i marnida hasangaponMi.

3. VOTUM – INTROITUS – TANGIANG
P : Marhite Goar ni Debata Ama, AnakNa Tuhan Jesus Kristus dohot Tondi Parbadia. Amen!
Sai haholongi ma Jahowa, sude hamu angka na niasianNa, dijaga Jahowa do angka na porsea, alai mardapotdapot do dibaloshon tu angka sibahen hajungkaton.

P : MARTANGIANG MA HITA!
Marsangap ma GoarMu na badia i ale Tuhan. Ai badia do Ho di liat tano on. Gok hamuliaonMu mangatasi sandok hasiangan on. Ro do hami mandok mauliate di dengganbasaM na sahat tu hami. Tung so ala na hupangido hami do i, ale dirade Ho do di hami. Dilehon Ho do hahipason dohot hahisaron ni Tondi. Diramoti Ho do keluarganami nang punguannami on. Lam patubu ma di hami dohot pungunnami on holong ni rohaM na polin i, ima holong naso marnida bohi, jala holong naso marpambuat. Ajari ma hami Tuhan patupahon na uli na denggan marhite punguannami on asa unang gabe holan hasomalan sambing so marpanghorhon tu dongannami dohot keluarganami. Padao ma sian dirinami roha na paburnang diri. Uhirhon ma di rohanami naso marimbar hami di joloM maradophon dongannami. Lam tambai ma haporseaon mangihuthon Ho ganup ari. Di bagasan Goar ni AnakMu Tuhan Jesus, martangiang hami tu Ho. Amen!

4. MANGENDEHON BE. NO. 754 GOK LAS NI ROHA DO AU
Gok do holong ni Jesus di ngolungkon, di ngolungkon di ngolungkon
Gok do holong ni Jesus di ngolungkon, tongtong di rohangkon
Mauliate gok las ni roha maringan holongMi Tuhan di au
Mauliate gok las ni roha mringan holongMi Tuhan di au.

5. MANJAHA HATA NI DEBATA (MATEUS 5:2-12)
P : Dung i marsoara ma Ibana mangajari nasida, ninna ma: Martua ma na pogos tondi, ai di nasida do harajaon banua ginjang i!
H : Martua ma na marsak roha, ai siapulon do nasida!
P : Martua ma na lambok roha, ai teanonnasida do tano on!
H : Martua ma na mauas male mida hatigoran, ai sipabosuron do nasida!
P : Martua ma na asi roha, ai siasian do nasida!
H : Martua ma parroha na ias, ai idaonasida do Debata!
P : Martua ma sibahen dame, ai goaron do nasida anak ni Debata!
H : Martua ma na pinaburuburu ni halak ala ni hatigoran, ai di nasida do harajaon banua ginjang i!
P : Martua ma hamu, molo diinsahi halak hamu manang dipaburuburu manang dipatubutubu ragam ni hata na roa, na so tutu, dompak hamu ala ni Ahu! Las ma rohamuna jala marolopolop, ai godang do umpamuna di banua ginjang i, ai songon i do dipaburuburu angka panurirang na jumolo sian hamu.
I ma sahatna! Martua ma na tumangihon jala mangulahonsa. Amen!

6. MANGENDEHON BE. NO. 695 JESUS TUHANKU DI HO MA AU ON
Na marhaposan tu Jesus tahe sai na martua ibana muse. Sonang ibana di portibi on
nang di surgo inon. Jolma na bonar burju, jolma na bonar huhut burju
Sonang ibana di portibi on, nang di surgo inon.

7. TANGIANG PANGONDIANON (Sahalak sian ruas ni punguan)

8. MANGENDEHON BE. NO. 750 TU TONDINGKON O JESUS
Tu tondingkon O Jesus, patolhas HataMi. Asa sonang rohangku unang sai ganggu i
Rohangkinon dohot tondingkon naeng tumangihon Ho
Di son do au naposoMon rade tumangihon Ho.

9. JAMITA/ SIPAHUSORHUSORON:

10. MANGENDEHON BE. NO. 589 TUHAN SAI RO MA HO
O Jesus Tuhanki, Anak Sasada ni Debatangki
Pamonang hataMi, marhite TondiMi, i ma tangiangki, o Tuhanki.

11. TANGIANG ALE AMANAMI – PASUPASU – AMEN 3X

Disadur dari Buku Ibadah Harian Edisi Juli – Agustus 2014

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s