Tata Ibadah Persekutuan (Arisan) – Bahasa Batak


PARTORDING NI PARTANGIANGAN PUNGUAN (ARISAN) KELUARGA/MARGA/PARSAHUTAON

1. JOUJOU LAHO MARSOMBA
P : Horas ma di hita saluhutna! Hamu angka dongan sahaporseaon. Manongtong ma hita mamuji jala mandok mauliate tu Debata. Godang ma tongon asi ni roha dohot dengganbasaNa sahat tu hita. Dilehon do partingkian dohot inganan di hita laho marpungu sadari on. Dilehon do nang hahipason umbahen tarbahen hita pajumpang di bagasan las ni roha. Sai asi ni roha dohot dame na sian Tuhanta ma mangaramoti parpunguanta on, jala holong ni rohaNa ma mangarahuti hita marsaor di bagasan las ni roha. Antong tapuji ma Debata na sangap na marmulia i. Marende ma hita!

2. MANGENDEHON BUKU ENDE NO. 581 SANGAP DI JAHOWA
Sangap di jahowa na sun timbul i, balga ni holongNa ndang tarasam i
Dilehon AnakNa na sasada i, manobus hita jolma pardosa
Puji ma Debata ale manisia, las roham las roham somba ma Debata
Dapothon Jahowa na sun timbul i, marhite AnakNa Tuhan Jesus i

3. VOTUM – INTROITUS – TANGIANG
P : Marhite Goar ni Debata Ama na manompa langit dohot tano on; dohot di bagasan Goar ni AnakNa Tuhan Jesus Kristus na manobus hita sian dosa; dohot di bagasan Goar ni Tondi Parbadia na tongtong mangaramoti hita sahat tu tingki on. Amen!
Pujionku ma Jahowa sian nasa rohangku, pajojoronku ma sude halongangan angka na binahenmu.
J: Ale Debata, Debatanami, mansai sangap do GoarMu di liat portibi on! HabalgaonMu mangatasi sandok langit, jala saluhut bangso do mangendehon GoarMu. Halleluya!
P : MARTANGIANG MA HITA!
Di bagasan Goar ni AnakMu Tuhan Jesus Kristus, ro do hami mandapothon habadiaonMu ale Tuhan. Mandok mauliate do hami di sude na pinasahatMu tu hami. Ro do hami pasadahon roha marhite punguan on. Jalo ma hami Tuhan di sandok hahurangannami jala patau ma ngolunami. Parbadiai ma roha, pingkiran nang pambahenannami asa hombar sude na hupatupa hami tu lomo ni rohaM. Di bagasan haserepon mangido hami tu Ho, lehon ma hapantason ni roha di hami, asa gabe pasupasu punguannami on tu ganup keluarga dohot na humaliang. Pargogoi ma hami asa sai Ho husomba jala hupangasahon hami di ngolu on. Di bagasan Goar ni AnakMu Tuhan Jesus, martangiang hami tu Ho. Amen!

4. Mangendehon Buku Ende 753 Di Pardalanan Jesus Di Jolonghu
Dipardalanan Jesus dijolongku. Holong ni tanganMi manogu au
Nang di ngoluku Ho do sombaongku. Tung sonang mardalan raphon au.
Huboto do tangkas pangouonMu. Diiringiring Ho do langkangki
Sahat ro di ujung ni pardalanku. Togu ma au jonok tu lambungMi,

5. MANJAHA HATA NI DEBATA (1 Korin 13:4-7)
P : Na lambas do haholongon i jala na sorta,
H : ndang na mangiburu haholongon i, ndang tenga jala ndang dipaburnangburnang dirina.
P : Maradat situtu do haholongon i, ndang na ahut, ndang olo pangarimason, ndang dipajujurjujur na jahat.
H : Ndang las rohana mida hageduhon; alai tongtong do dihalashon hasintongan i.
P : Saluhut do ditanom rohana, saluhut do dihaporseai, dihirimi jala ditaon.
I ma sahatna! Martua ma na tumangihon jala mangulahonsa. Amen!

6. MANGENDEHON BUKU ENDE NO. 792 PASUPASU HAMI ON TUHAN
Pasupasu hami O Tuhan sai usehon dameMi
Sai ampehon tanganMi Tuhan, lehon tu au gogoMi
Di portibi on, baen ma au Tuhan, siradoti haholongon
Togutogu ma, hami on Tuhan, marparange na denggan.
Pasupasu hami O Tuhan sai usehon dameMi
Sai ampehon tanganMi Tuhan, lehon tu au gogoMi.

7. TANGIANG PANGONDIANON (Sahalak sian ruas ni punguan)

8. MANGENDEHON BUKU ENDE NO. 743 O TUHAN TOGUTOGU MA AU
Panghulingi ma au O Tuhan, na rade tumangihon hataM
Sai tumpahi ruasMu Tuhan, na uasan nuaeng di hataM
Sai patau ma au on naposoM, manjou halak na dao sian Ho
Ro di na so tumanda Ho, muba gabe pangoloi di Ho.

9. JAMITA/ SIPAHUSORHUSORON:

10. MANGENDEHON BE. NO. 724 TUHAN BAEN MA NGOLUNGHON
Tuhan baen ma ngolungkon, parbadiai ma di Ho
Pangke ma nang tingkingkon mamuji pasangap Ho. Mamuji pasangap Ho.
Saut ma lomo ni rohaM, lam nata di ngolungkon
Tompa roha na ias, asa tau ma au joroM. Asa tau ma au joroM.

11. TANGIANG ALE AMANAMI – PASUPASU – AMEN 3X
Disadur dari Buku Ibadah Harian HKBP Resort Serpong – Edisi Mei s/d Juni 2014

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s