Aturan dan Peraturan HKBP


Daftar Isi


PAMONAI
ATURAN: Ponggol Parjolo HATONTUAN UMUM
PONGGOL PADUAHON: GOAR, INGANAN, DOHOT PARJONGJONGNA
PONGGOL PATOLUHON: OJAKAN
PONGGOL PAOPATHON: PANINDANGION
PONGGOL PALIMAHON: PARSOMBAON TU DEBATA
PONGGOL PAONOMHON: OIKUMENE
PONGGOL PAPITUHON: SANGKAP DOHOT TUJUAN
PONGGOL PAUALUHON: ULAON
PONGGOL PASIAHON: ORGANISASIPONGGOL PASAMPULUHON: HARUASON
PONGGOL PASAMPULUSADAHON: PARHALADO
PONGGOL PASAMPULUDUAHON: PARARTAON
PONGGOL PASAMPULUTOLUHON: PANUTUP
PARATURAN: PONGGOL PARJOLO HURIA Bindu 1-3
PARATURAN: PONGGOL PARJOLO HURIA Bindu 4
PARATURAN: PONGGOL PARJOLO HURIA Bindu 5
PONGGOL PADUAHON: RESORT
PONGGOL PATOLUHON: DISTRIK
PONGGOL PAOPATHON: HATOPAN Bindu 10-12
PONGGOL PAOPATHON: HATOPAN Bindu 13-15
PONGGOL PAOPATHON: HATOPAN Bindu 16-19
PONGGOL PAOPATHON: HATOPAN Bindu 20-22
PONGGOL PALIMAHON: ANGKA KOMISI DI HKBP
PONGGOL PAONOMHON: TOHONAN DI HKBP

Daftar Isi

ATURAN DOHOT PARATURAN HURIA KRISTEN BATAK PROTESTAN (2002)
DAFTAR ISI
BAGIAN PARJOLO: PAMONAI
BAGIAN PADUAHON: ATURAN
Ponggol I: Hatontuan Umum
Ponggol II: Goar, Inganan, dohot Parjongjongna
Ponggol III: Ojakan
Ponggol IV: Panindangion
Ponggol V: Parsombaon tu Debata
Ponggol VI: Oikumene
Ponggol VII: Sangkap Dohot Tujuan
Ponggol VIII: Ulaon
Ponggol IX: Organisasi
Ponggol X: Haruason
Ponggol XI: Parhalado
Ponggol XII: Parartaon
Ponggol XIII: Panutup
BAGIAN PATOLUHON: PERATURAN
Ponggol I : Huria
Ponggol II : Ressort
Ponggol III: Distrik
Ponggol IV : Hatopan
Ponggol V : Angka Komisi di HKBP
Ponggol VI : Tohonan di HKBP
Ponggol VII : Rapot di HKBP
Ponggol VIII : BAGAN ORGANISASI HKBP

PAMONAI

Mamungka sian taon 1861, i ma taon hajongjongan ni HKBP, sai maruba do Aturan Paraturan ala parubaan ni angka tingki na niadopan ni huria i di portibi on songon pamatang ni Kristus. Alai nang pe maruba Aturan Paraturan ni huria i, ianggo ojakan ni huria i, i ma Barita na Uli na tarsurat di Buku na Badia i tongtong do hot. Parubaan ni Aturan Peraturan i holan na paampithon dalan do i laho patulushon sitolu ulaon panjouon ni huria di tongatonga ni portibi on, asa boi marparbuehon angka parbue na dumenggan.
Angka parubaan na naeng adopan ni huria di abad pa-21-hon on, manang na ginoar milenium patoluhon tung andul do asing sian angka tingki na salpu. Parhasak ni galumbang informasi dohot globalisasi na lam gogo jala doras mambahen masa angka parubaan na mansai hatop dibagasan parngoluon ni jolma marsadasada, parngoluon parsaripeon, parngoluon marmasyarakat, marbangso, dohot marnegara, jala laos songon i do nang parngoluon parugamoon. Angka parubaan dohot galumbang ni ngolu na masa i do patubuhon parsoalan na maol jala multidimensional, na gabe tantangan siadopan ni huria nuaeng on dohot di tingki na naeng ro. HKBP songon huria na disuru tu tongatonga ni portibi on ingkon mangula do dohot proaktif, aktif, kritis, jala realistis laho mangadopi nasa tantangan na maol i. Mardomu tu pangulaon na hombar tu tantangan i ma porlu adong Aturan Peraturan na imbaru na marbona tu visi, misi, dohot prinsip na togu, i ma na di toru on:

Visi

HKBP mangerbang gabe huria na inklusif, dialogis, jala ungkap huhut marhatauon jala marhagogoon pahembanghon parngoluon na marmutu dibagasan holong ni Tuhan Jesus Kristus, rap dohot sude halak di bagasan masyarakat global, tarlobi masyarakat kristen, asa gabe hasangapon di Debata Ama pargogo na so hatudosan.

Misi

Marusaho do HKBP pahinsathon mutu ni sude ruas ni masyarakat, tarlobi ruas ni HKBP, marhite angka panghobasion ni huria na marmutu asa marhagogoon patulushon tona ni Tuhan Jesus di sude panggulmiton ni ngolu ni marsasahalak, marsasaripe, raphon sude halak na di portibi on di tirket lokal dohot nasional, di tirket regional dohot global laho mangadopi abad pa-21-hon.

Prinsip
Marsihohot do HKBP maniop angka prinsip na di toru on laho patulushon misi, mangeahi visi na di ginjang i, ima:
a. Gabe pangoloi, ndada asa dioloi (Mrk.10:45)
b. Gabe sira dohot panondang( Mat.5:1 3-14)
c. Marsitutu pajongionghon hatigoran, hadameon, dohot hasadaon ni na tinompa (Mrk.16: 15; Luk. 4: 18- l9).

ATURAN: Ponggol Parjolo HATONTUAN UMUM

Bindu 1: Pangonaan ni Hata

  • Aturan i ma angka buhu ni hatontuan na mendasar di HKBP.
  • Paraturan i ma angka hatontuan na dipahembang sian Aturan HKBP.
  • Aturan dohot Paraturan HKBP na dipajempek gabe AP-HKBP, i ma angka buhu ni hatontuan na mendasar dohot angka hatontuan naung dipahembang di HKBP.
  • Huria i ma parsaoran ni manang piga ruas ni HKBP di sada inganan na tontu, niuluhon ni uluan ni huria marsadasada.
  • Rapot Huria i ma rapot partimbo di tirket huria na mambahen haputusan laho patulushon sitolu ulaon panjouon ni huria dohot mangulahon haputusan ni sinode Godang, Majelis Pekerja Sinode, Sinode Distrik dohot Rapot Ressort hombar tu haporluan ni huria.
  • Parhalado i ma ruas ni huria na tarjou jala tarpillit mamelehon diri laho mnnghobasi ulaon ditongatonga ni huria.
  • Sitolu ulaon panjouon ni huria i ma parsaoran, panindangion, dohot parasirohaon.
  • Uluannihuria i ma na manguluhon huria marsadasada.
  • Dewan Koinonia i ma organ panghobasi di tirket huria na mamingkiri dohot patupahon panghobasion na padasiphon parsaoran na saroha, na sapingkiran, dohot na sapanghilalaan na manghamham seksi sikola minggu, seksi remaja, seksi naposobulung, seksi parompuan, dohot seksi ama.
  • Dewan Marturia i ma organ panghobasi di tirket huria na mamingkiri dohot patupahon ulaon marbarita na uli di tongatonga ni huria dohot masyarakat, na manghamham seksi sending dohot seksi musik.
  • Dewan Diakonia i ma organ panghobasi di tirket huria na mamingkiri dohot patupahon ulaon asi ni roha, pahinsathon parbinotoan dohot hahipason, songon i nang patupahon panghataion dohot pamaoran tu masyarakat na humaliang dohot tu pamarenta, na manghamham seksi diakoni sosial, seksi pendidikan, seksi kesehatan, dohot seksi kemasyarakatan.
  • Seksi i ma unit panghobasi di toru ni dewan di tirket huria.
  • Resort i ma hadomuan ni huria marsadasada laho padasiphon dohot pahembanghon parsaoran, panindangion, panghobasion di tongatonga ni angka huria.
  • Rapot Resort i ma rapot partimbo di tirket resort na mambahen haputusan laho mangulahon na tinontuhon ni Sinode Godang, Majelis Pekerja Sinode, dohot sinode distrik.
  • Pandita Resort i ma na manguluhon huria sabungan huhut mangkordinasi dohot manjamothon angka ulaon panghobasion di sude huria na masuk tu resort i.
  • Distrik i ma hadomuan ni manang piga resort laho padasiphon dohot pahembanghon parsaoran, panindangion dohot panghobasion di tongatonga ni distrik i.
  • Sinode Distrik i ma rapot partimbo di tirket distrik na mambahen haputusan laho mangulahon na tinontuhon ni Sinode Godang dohot Majelis Pekerja Sinode hombar tu haporluan ni distrik.
  • Praeses i ma uluan ni distrik rap dohot angka kepala bidang.
  • Majelis Pekerja Sinode Distrik i ma rapot na manghobasi distrik laho patulushon haputusan ni Sinode Godang, Majelis Pekerja Sinode dohot sinode distrik rap dohot praeses dohot angka kepala bidang.
  • Bidang i ma organ na manguluhon panghobasion pasauthon sitolu ulaon panjouon ni huria di tirket distrik. Pangadonghonon ni bidang dohot uluanna dipahombar ma tu haporluan dohot haboion ni distrik i. Angka bidang na adong i ma: bidang koinonia, bidang marturia dohot bidang diakonia.
  • Sinode Godang ima rapot hatopan partimbo di HKBP na manotophon nasa hatontuan bona na mardomu tu sitolu ulaon panjouon ni huria.
  • Majelis Pekerja Sinode i ma rapot na mangula laho mamingkiri dalan pasauthon haputusan ni Sinode Godang marhite Uluan HKBP na niuluhon ni Ephorus.
  • Uluan HKBP i ma sada tim na niuluhon ni Ephorus na marruashon Sekretaris Jenderal, Kepala Departemen Koinonia, Kepala Departemen Marturia, dohot Kepala Departemen Diakonia.
  • Ephorus i ma uluan ni sandok HKBP, na laos uluan ni Uluan HKBP.
  • Sekretaris Jenderal i ma sahalak ruas ni Uluan HKBP na manguluhon panghobasion hatopan di bidang administrasi umum dohot keuangan.
  • Departemen Koinonia i ma organ hatopan na manghobasi sude ulaon na mardomu tu parsaoran di sandok HKBP, na niuluhon ni Kepala Departemen Koinonia.
  • Departemen Marturia i ma organ hatopan na manghobasi sude ulaon na mardomu tu panindangion di sandok HKBP, na niuluhon ni Kepala Departemen Marturia.
  • Departemen Diakonia i ma organ hatopan na manghobasi sude ulaon na mardomu tu diakoni.di sandok HKBP, na niuluhon ni Kepala Departemen Diakonia.
  • Badan Audit HKBP i ma organ na mamareso dohot mangevaluasi parhepengon, parartaon dohot pardalan ni sude rencana kerja ni sude organ dohot unit panghobasi di HKBP.
  • Badan Penelitian dan Pengembangan HKBP i ma organ na patupahon penelitian na mardomu tu parngoluon ni huria dohot masyarakat laho pahembanghon dohot padasiphon panghobasion ni huria.
  • Badan usaha HKBP i ma organ na mangusahahon sumber dana na porlu pangkeon ni HKBP laho patulushon panghobasionna.
  • Biro i ma organ panghobasi di toru ni Sekretariat Jenderal manang departemen.
  • Badan Penyelenggara Pendidikan HKBP i ma organ na manjalo mandat na gok sian Rapot Uluan HKBP manghobasi sude pendidikan di HKBP di bagasan sada sistem na marorientasi mutu.
  • Yayasan i ma organ sosial na pinajongjong ni HKBP manang angka ruas ni HKBP marojakan tu Aturan Paraturan HKBP dohot paraturan ni pamarenta di tirket Hatopan, distrik, resort manang huria.
  • Komisi i ma orgah na dipajongjong hombar tu haporluan ni HKBP di tirket Hatopan, distrik, resort, manang huria.
  • Mutu i ma haumbuhon ni panghobasion dohot na hinaporluhon ni huria marojahan tu lomo ni roha ni Debata na manghamham partondion, panghilalaan, parbinotoan dohot pamatang.

PONGGOL PADUAHON: GOAR, INGANAN, DOHOT PARJONGJONGNA

Bindu 2: Goar, Inganan, dohot Parjongiongna
Goar i ma Huria Kristen Batak Protestan na pinajempek gabe HKBP.
Huria Kristen Batak Protestan i ma pardomuan ni halak Kristen sian sude marga dohot houm ni bangso Indonesia, dohot nasa bangso di sandok portibi on na tardidi tu bagasan goar ni Debata Ama, Anak dohot Tondi Parbadia. Sada hapataran ni pamatang ni Kristus do HKBP, na manghamham na porsea na marpanindangion di sandok portibi on.
Na jongjong do HKBP di Indonesia on dohot di sandok portibi on iala markantor pusat di Pearaja Tarutung.
HKBP ojak 7 Oktober 1861, na jongjong sian hadirionna marhitehite pangulaon ni Tondi Porbadia. Laos diokui Pamarenta do HKBP marhite bisolot No.48 tanggal 11 Juni l931 na tarsurat di Staatsblad taon 1932 No.360 dohot haputusan ni Direktur Jenderal Bimas Kristen Protestan Departemen Agama No.33 tahun 1988 tanggal 6 Februari 1988.

PONGGOL PATOLUHON: OJAKAN

Bindu 3: Ojakan
Ojakan ni HKBP i ma Jesus Kristus, na hinatindanghon ni Buku na Badia, i ma Padan na Robi dohot Padan na Imbaru, mual ni hasintongan dohot hangoluan.

PONGGOL PAOPATHON: PANINDANGION

Bindu 4: Panindangion
Ia Panindangion Haporseaon ni HKBP i ma udut ni angka panindangion haporseaon naung adong hian, isara Apostolicum, Niceanum, Athanasianum. Marhite parjamitaon, panindangion, surat tongosan, ende huria, tangiang, liturgi dohot buku parsiajaran, tangkas do tarida tongtong pangokuan na Kristus do Ulu ni huria i jala Tuhan ni angka tuan. Dibagasan pangoloion di hata ni Debata na gabe.mual ni parjamitaon dohot haporseaon, marpanindangion do huria i di angka rapot huria, di pangulaonna, di ngoluna siganup ari siala hapataran ni Debata Sitolusada, i ma Debata Ama, Anak dohot Tondi Parbadia. Nasa rapot ni huria, tohonan, parmahanion dohot panghobasion di huria nang Aturan ni Huria marondolan tu Panindangion Haporseaon ni Huria do.

PONGGOL PALIMAHON: PARSOMBAON TU DEBATA

Bindu 5: Ulaon dohot Hatiha ni HKBP Marsomba tu Debata
1.Parmingguon
Dipatupa huria do parmingguon ganup ari Minggu di gareja dohot di inganan na tontu di huria na so adong dope garejana, dohot di inganan ni ruas na tongon marsitaonon ala marujung ngolu manang di sada ulaon na ingkon diantoi huria. Hata ni Debata naung diaturhon di Almanak HKBP do sijamitahononhon disi, jala Agenda HKBP do sipangkeon, songon i nang ende na di Buku Ende HKBP dohot buku ende na niongkuan ni HKBP dohot angka ende na hombar tu Konfessi HKBP do siendehonon.
2.Partangiangan
Dipatupa huria do partangiangan keluarga, lunggu, kelompok, kategorial manang domu tu ringkot na di gareja, di bagas, manang di inganan na asing na tinontuhon ni huria.
3.Punguari Parheheon Partondion
Na boi do patupaon ni huria punguan parheheon partondion na nidohotan ni ruas i ni huria dohot masyarakat di inganan na tinontuhon ni huria.
4.Sakramen
Siradotan ni huria do sakramen na pinatikhon ni Tuhan Jesus i ma pandidion pandidion na badia dohot parpadanan na badia.
4.1 Pandidion na Badia
Pamasaon ni huria do pandidion na badia tu angka posoposo dohot tu angka na magodang na so tardidi hian dope andorang posoposo hombar tu parturena di Agenda HKBP.
4.2 Parpadanan na Badia
Pamasaon ni huria do parpadanan na badia di gareja manang di ruar ni gareja hombar tu parturena di Agenda HKBP.
4.3. Na mangulahon Sakramen
Pandita do na patupahon ulaon sakramen, jala holan mangurupi marhobas do angka partohonan na asing, alai patupahon pandidion na hinipu saboiboina sintua, molo so i sahalak ruas ni huria na ringgas marminggu manang natoras ni posoposo i.
5.Pangajarion di Hata ni Debata
Dipatupa huria do pangajarion di hata ni Debata tu sude ruas ni huria : dakdanak, remaja, naposobulung dohot natuatua asa lam ganda pangantusion, panghangoluhonon dohot pangulahonon di hata ni Debata na tau pahothon nasida di ngolu hakristenon i.
6.Manghatindangkon Haporseaon
Dipatupa huria do parguruan tu angka na naeng manghatindangkon haporseaon. Pandita do na manangkasi hatauonnasida niadopan ni parhalado partohonan dohot natorasna be di na laho paujunghon parguruon i. Diadopan ni huria i do nasida jongjong manghatindanghon haporseaon di tingki parmingguon mangihuthon parturena songon na di Agenda HKBP.
7.Parbagason
Sipasupasuon ni huria do angka na naeng marbagas di tongatonga ni huria mangihuthon parturena songon na di Agenda HKBP, dung jolo adong panangkasion ni parhalado partohonan.
8.Angka Pesta di Huria
Angka on ma pesta huria na songon parningotan :
8.1 Pesta parjolo dohot paduahon hatutubu ni Tuhan Jesus.
8.2 Pesta parningotan di ari hamamate ni Tuhan Jesus.
8.3 Pesta parjolo dohot paduahon haheheon ni Tuhan Jesus.
8.4 Pesta parningotan hananaek ni Tuhan Jesus.
8.5 Pesta parjolo dohot paduahon haroro ni Tondi Parbadia.
8.6 Angkup ni i, adong do parpunguan ni huria di tingki parningotan di Reformasi, di bona dohot di ujung ni taon, songon i nang di angka tingki na ringkot.

Bindu 6: Hajuarabagason
Sipatupaon dohot siluluan ni huria do angka dalan parohon hepeng dohot arta sipangkeon manghobasi huria i dohot pahembanghon parngoluon ni ruas, parhalado, kesejahteraan ni angka na pension di HKBP dohot masyarakat marhite: papungu pelean di parmingguan dohot di angka partangiangan na pinatupa ni huria, guguan, sumbangan, hibah dohot angka usaho ni Badan Usaha HKBP, yayasan, koperasi, dohot angka rumang na asing na so maralo tu hata ni Debata.

PONGGOL PAONOMHON: OIKUMENE

Bindu 7: Hasadaon ni HKBP dohot Halak Kristen
Parsidohot do HKBP papatarhon hasadaon ni angka huria sisada haporseaon dohot HKBP nang dohot sude halak Kristen di portibi on hombar tu tangiang ni Tuhan Jesus: “Asa sada nasida saluhutna, songon Ho ale Amang di bagasan Ahu, jala Ahu di bagasan Ho, songon i ma nang nasida di bagasan Hita, asa porsea portibi on, Ho marsuru Ahu” (Joh. 17:21).
Suang songon i nang poda ni Apostel Paulus na mandok : “Sada do Tuhan, sada do haporseaon, sada do nang pandidion. Sada do Debata, Ama ni sasude. Sigomgomi saluhut, sitorusi saluhut jala siingani saluhut.” (Ep. 4:5-6)

PONGGOL PAPITUHON: SANGKAP DOHOT TUJUAN

Bindu 8: Sangkap dohot Tujuan ni HKBP
Mamaritahon dohot manghangoluhon hata ni Debata.
Mangaramoti hapolinon di pamaritahonon dohot pamodahonon di hata ni Debata.
Paturehon dirina asa gabe hasangapon di goar ni Debata Ama, Anak dohot Tondi Porbadia.
Pahothon dohot patoguhon pardalan dohot parjongjong ni HKBP

PONGGOL PAUALUHON: ULAON

Bindu 9: Ulaon ni HKBP
Ulaon ni HKBP i ma pahembanghon Harajaon ni Debata marhitehite ulaon parsaoran, panindangion, dohot parasirohaon.

PONGGOL PASIAHON: ORGANISASI

Bindu 10: Huria, Resort, Distrik, Hatopan
Huria i ma punguan ni manang piga halak na porsea, naung tardidi, jala rade pasauthon Harajaon ni Debata dohot na manghangoluon haluaon na sian Jesus Kristus.
Huria na marhasadaon di resort, resort na marhasadaon di distrik, jala distrik marhasadaon di hatopan ni HKBP.

Bindu 11: Organ Panghobasi
Laho patulushon ulaon panghobasion di HKBP dipatupa do angka organ panghobasi, i ma Sekretariat Jenderal, Departemen, Pusat Penelitian dan Pengembangan HKBP, Badan Audit, Badan Usaha HKBP, Badan Penyelenggara Pendidikan HKBP, Yayasan, Bendahara Hatopan, Biro dohot angka Unit na ditoru na dohot Komisi.

PONGGOL PASAMPULUHON: HARUASON

Bindu 12: Ruas ni HKBP
Ia ruas ni HKBP i ma halak naung tardidi tu bagasan goar ni Debata Ama, Anak, dohot Tondi Parbadia.
Sude ruas ni HKBP ingkon umboto jala manghangoluhon hata ni Debata marhite na ringgas marsiajar di tonga ni bagasna, di parguruan na pinatupa ni HKBP dohot parguruan na asing na so maralo tu poda ni HKBP, manghatindanghon haporseaon, manghangoluhon Panindangion Haporseaon ni HKBP, unduk tu Aturan dohot Paraturan dohot Ruhut Parmahanion dohot Paminsangon ni HKBP.
Horong ni ruas ni huria hombar tu umur i ma dakdanak, remaja, naposobulung dohot natuatua.

Bindu 13: Hak ni Ruas
Na marhak do ganup ruas ni huria taruli di ulaon: pandidion na badia, manghatindangkon haporseaon, ulaon na badia, pamasumasuon pardongansaripeon, jala manjalo parmahanion; pangapulion tu na marsahit, na marsitaonon, panogunoguon keluarga siala na hona uhum negara dohot na hona Ruhut Parmahanion Paminsangon; tangiang pangondianon dohot ragam ni pasupasu marhitehite panghobasion di huria.

Bindu 14: Kewajiban ni Ruas
Kewajiban ni ruas ni huria do manarihon nasa na ringkot di huria marhite na mamelehon diri hombar tu talenta na nilehon ni Debata dohot pasahathon ragam ni pelean sian las dohot ias ni roha.

Bindu 15: Hadoson ni Hak dohot Kewajiban ni Ruas Baoa dohot Ruas Parompuan
Dos do hak dohot kewajiban ni parompuan dohot baoa di HKBP, laos songon i do nang di haruason di angka organ panghobasi.

Bindu 16: Mansohot sian haruason
Mansohot do ruas ni HKBP sian haruason molo ndang olo be unduk tu Konfessi, Aturan dohot Paraturan, Ruhut Parmahanion Paminsangon HKBP, songon i molo dung monding.

PONGGOL PASAMPULUSADAHON: PARHALADO

Bindu 17: Parhalado
1.Laho pasauthon ulaon panindangion, parsaoran dohot panghobasion ala ni Kristus dipabangkit do parhalado, na jinou ni Debata marhite huria i jala na olo mamelehon dirina huhut na unduk tu Konfessi, Ruhut Parmahanion Paminsangon dohot Aturan Paraturan HKBP.
2.Parhalado, i ma :
Parhalado partohonan i ma angka partohonan na pinabangkit ni HKBP marhite Agenda HKBP dohot na pinabangkit ni huria na niongkuan ni HKBP.
Parhalado na so partohonan i ma ruas ni huria na olo mamelehon dirina hombar tu silehonlehon na pinasahat ni Debata tu ibana.
Tarbagi do parhalado hombar tu haboion ni tingkina, i ma parhalado na gok tingki, na so gok tingki, dohot na sukarela.

Bindu 18: Na Manguluhon HKBP
Uluan ni Huria do na manguluhon huria pagaran marsadasada, jala pandita resort do manguluhon huria sabungan.
Pandita resort do na manguluhon resort.
Praeses rap dohot kepala bidang do na manguluhon distrik.
Ephorus rap dohot Sekretaris Jenderal dohot kepala departemen do na manguluhon sandok HKBP.

PONGGOL PASAMPULUDUAHON: PARARTAON

Bindu 19: Parnampunaon
HKBP hatopan do nampuna sude arta na adong di HKBP, na langsung manang na so langsung niramotan ni Kantor Pusat, i ma : na adong di Sekretariat Jenderal, departemen, lembaga, Badan Penyelenggara Pendidikan, Badan Usaha HKBP, yayasan, songon i nang na adong di huria marsadasada, ressort,distrik.

Bindu 20: Rumang ni Arta
Ia arta ni Huria i ma nasa arta na marrumang hepeng, surat na mararga dohot barang na boi morot dohot na so boi morot di sandok HKBP.

Bindu 21: Pangaramotion
Pangaramotion di arta ni Huria i dipasahat do tu angka huria marsadasada, resort, distrik, lembaga, Badan Penyelenggara Pendidikan, Badan Usaha HKBP, yayasan, departemen, dohot Sekretariat Jenderal.
Di ginjang ni pangaramotion na di ayat 1, adong pangaramotion hatopan marhite Badan Audit HKBP.

PONGGOL PASAMPULUTOLUHON: PANUTUP

Bindu 22: Hasadaon ni Aturan dohot Paraturan
Nasa hatontuon na adong di Aturan on sipatorangon jala sipahembangon do marhite angka hatorangan na umbuk di bagasan Paraturan, ala ni i na sada do Pamonai, Aturan, dohot Paraturan laho patotahon ulaon ni HKBP.

PARATURAN: PONGGOL PARJOLO HURIA Bindu 1-3

BINDU 1: Huria
1.Pangantusion
Huria marsadasada ima parsaoran ni manang piga ruas ni HKBP di sada inganan na tontu, niuluhon ni uluan ni huria marsadasada.
2.Huria na mamungka
Di inganan naso adong do pe HKBP na boi do pajongjongon disi HKBP molo adong manang piga ruas ni HKBP di inganan i.
Syarat ni huria na mamungka:
2.1.Adong surat pangidoan tu huria na jumonok, manang ringkot mangihuthon panimbangion ni parhalado partohonan.
2.2.Adong inganan parmingguan
2.3.Adong parhalado
2.4.Adong tangkas na mangulahonsa hombar tu Aturan Peraturan HKBP
2.5.Adong surat pengokuan unduk tu Aturan Peraturan HKBP na tinandatanganan ni sude ruas naung manghatindanghon haporseaon.
2.6.Saleleng so digohi syarat na di ginjang I, rajuman ma I songon sada parmingguon.
2.7.Dung digohi syarat na di ginjang I, praeses ma mangaresmihon gabe huria tinolopan ni Uluan HKBP
3.Huria na manjae
Huria na manjae ima huria na imbaru pinajongjong ni manang na piga ruas di inganan na tontu, pinajae ni huria haborhatanna dung manggohi angka syarat na di toru on:
3.1.Adong alas an na tangkas pajongjong huria i.
3.2.Adong na umotikna 25 ripe manang 50 halak ruas naung manghatindanghon haporseaon
3.3.Adong parhalado na tau manghobasi dohot manguluhon huria i.
3.4.Adong bagas parpunguan manang gaeja sipangkeon ni ruas ni huria I tu angka parpunguan huria.
3.5.Adong surat pangokuan unduk tu Aturan Peraturan HKBP na tinandatanganan ni sude ruas naung manghatindanghon haporseaon.
3.6.Adong panolopion sian huria haborhatanna marhite rapot parhalado partohononan tinolopan ni pandita resort.
3.7.Dung digohi syarat na di ginjang I, praeses ma mangaresmihonsa na tinolopan ni Uluan HKBP.
4.Huria na di Luar Negeri
4.1.Na boi do angka ruas ni HKBP na adong di luar negeri masuk gabe ruas ni huria na sahaporseaon dohot HKBP. Alai molo mulak nasida tu inganan na adong disi HKBP, sumuang ma nasida gabe ruas ni HKBP.
4.2.Na boi do angka ruas ni HKBP na adong di luar negeri pajongjong huria hombar tu parpaeak ni ingananna. Uluan HKBP do manontuhon hadomuan ni huria tu resort dohot distrik.
4.3.Na boi do huria HKBP na di luar negeri masuk tu parsadaan ni huria na sahaporseaon dohot HKBP.

Bindu 2: Haruason, Hak dohot Kewajiban ni Ruas

1. Ia ruas ni HKBP I ma :
1.1. Halak naung tardidi jala halak naung manghangoluhon pangoloion tu Debata Ama, Anak, dohot Tondi Parbadia.
1.2. Na unduk tu Konfessi, Aturan Peraturan, Ruhut Parmahanion Paminsangon HKBP dohot angka ruhut hakristenon di HKBP
1.3. Na tarsurat goarna di buku ripe manang buku ruas ni huria i.

2. Hak ni Ruas
2.1. Taruli di hata ni Debata, asa manghirim di bagabagaNa di bagasan haporseaon, marhite parmingguon dohot na manjalo parpadanon na badia.
2.2. Mangido dohot manjalo pandidion na badia tu angka dakdanakna, panogunoguon di bagasan hakristenon, manghatindanghon haporseaon, pamasumasuon parbagason dohot hangoluan sogot di ujung ni ngolu sian portibi on.
2.3. Partohap di nasa parsaulian sian huria.

3. Kewajiban ni Ruas
3.1. Gabe sitindangi ni Kristus di tongatonga ni parsaoran hatopan marhite angka silehonlehon na adong di dirina be.
3.2. Mandohoti ulaon panghobasion di huria.
3.3. Mamangke dohot mangalehon gogo, pingkiran dohot sinondanganna tu ulaon huria sian las ni roha

4. Mansohot sian Haruason
Mansohot do sahalak sian haruason ni huria molo:
4.1. Pinda tu Huria na so HKBP
4.2. Laho tu ugamo na asing
4.3. Naung di pabali sian huria mangihuthon ruhut parmahanion paminsangon
4.4. Monding

Bindu 3: Sihobasan ni Huria
Pahembanghon dohot pahinsathon ngolu partindion dohot pardagingon di ruas
Pabanghithon angka parhalado.
Pasauthon Konfessi, ruhut parmahanion paminsangon HKBP, aturan peraturan HKBP dohot haputuson ni rapot di HKBP
Paborhatohon utusan tu angka ulaon di HKBP
paradehon partapakan dohot bangunan gereja dohot bangunan na asing dohot nasa na ringkot di huria.
Manarihon na ringkot tu resort, distrik dohot hatopan.
Pahembanghon dohot pahinsathon parsaoran na denggan dohot dongan sahaporseaon dohot masyarakat dohot lingkungan na humaliangsa.
Manghobasi ulaon huria marhite angka parhalado.

PARATURAN: PONGGOL PARJOLO HURIA Bindu 4

Bindu 4: Parhalado di Huria
1. Pangantusion
Parhalado ima ruas ni huria na tarjou jala tarpillit mamelehon diri laho manghobasi ulaon di tongtonga ni huria.
2. Ragamna
Parhalado partohonan I ma pandita, guru huria, bibelvrouw, diakones, evangelis dohot sintua.
Parhalado na so partohonan I ma angka pangurus ni badan, yayasan, dewan, seksi, guru sikola minggu, dirigent koor, panitia.
Parhalado nag ok tingki I ma angka parhalado na mamelehon sude tingkina dohot gogona mangula di huria, jala na manjalo balanjo nag ok sian huria i.
Parhalado na so gok tingki I ma angka parhalado na mamelehon dirina mangula di huria Imarhite na pababirhon tingkina dohot gogona, jala ndang manjalo balanjo sian huria i.
Parhalado na sukarela I ma, angka na mamelehon dirina mangula di huria hombar tu tingkina dohot gogona secara sukarela, jala ndang manjalo balanjo sian huria.

3.Uluan ni Huria
Pandita resort di uluan ni huria sabungan, uluan ni huria do na mangulahon huria pagaran marsadasada.
Ulaon ni uluan ni huria.
a.Manguluhon huria marsadasada, sumangkapi dohot pasauthon angka ulaon panghobasion hombar tu sitolu panjouon ni huria.
b.Mangoluhon parhalado nag ok tingki hombar tu parsagi ni ulaonna be.
c.Manguluhon rapot ni huria, rapot parhalado, rapot parhalado partohonan dohot rapot pamilliton ni angka pangurus ni dewan, seksi dohot panitia pembangunan.
d.Patulushon na pinutushon ni Sinode Godang, Majelis Pekerja Sinode, sinode distrik, majelis pekerja sinode distrik, rapot resort, rapot parhalado resort, rapot huria, dohot rapot parhalado partohonan.
e.Mangaramoti, manogunogu dohot pahitsathon mutu ni panghobasion di parartaon dohot administrasi ni huria i.
f.Manjalo laporan pertanggungjawaban ni ganup dewan.
g.Pasahathon laporan taringot tu pangulaon, statistic dohot keuangan ni huria tu pandita resort dohot tu rapot huria.

Syarat gabe uluan huria
a.Partohonan na gok tingki na tinotophon ni Uluan HKBP
b.Molo so adong dope partohonan nag ok tingki tinotophon ni Uluan HKBP, rapot parhalado niuluhon ni pandita resort ma mamillit sian sintua dohot syarat:
(1)Na manghangoluhon dohot na mangulahon tohonanna.
(2)Na umotikna naung lima taon sintua
(3)Saboiboina pendidikan sekolah lanjutan tingkat atas.
(4)Marumur 30 ro di 61 taon di tingki pamiilliton.
(5)Na tinotophon ni praeses
(6)Periodena opat taon jala boi dua periode padodot.

Maradian
Uluan ni huria na sian sintua maradian do molo:
a.Sidung periodena
b.Mangido maradian andorang so sidung periodena
c.Hona Ruhut Parmahanion Paminsangon HKBP dohot na so sintong mangulahon ulaonna mangihuthon panimbangion ni rapot parhalado partohonan.
d.Pinda huria.
e.Monding.

4.Parhalado Parartaon
Pangantusion
Parhalado parartaon I ma manang na piga parhalado partohonan mangurupi uluan ni huria laho mangaradoti arta dohot administrasi ni huria.
Ulaonna
a.Mangurupi uluan ni huria mangarangrangi rencana kerja dohot anggaran belanja huria dohot parartaon ni huria siboanonna tu rapot parhalado partohonan.
b.Mangaradoti administrasi ni huria na manghamham administrasi umum, sarana dohot prasarana.
c.Patupahon sarana dohot prasarana hombar tu program kerja dohot anggaran huria.
d.Mangatur sude arta ni huria laho parentahon pamangkena, hapeahanna dohot pangaramotionna.
e.Manontuhon angka arta na so boi pangkeon be hombar hatontuon siboanonna tu rapot parhalado partohonan asa dihatai jala ditotophon.
f.Patupahon laporan parture ni arta dohot administrasi ni huria sipasahatonna tu uluan ni huria hombar tu tingki na ditontuhon

Ruasna
a.Dua manang opat halak sian tongatonga ni sintua na pinillit ni rapot parhalado partohonan.
b.Bendahara huria
Uluanna
Ima sahalak sian ruas ni parhalado parartaon na pinillit nasida sian tongatonganasida

Syarat gabe Parhalado Parartaon
a.Ruas na so bendahara huria :
(1)Na ringgas mangulahon hasintuaonna, na so hasurahan pangalahona.
(2)Naung manjalo tohonan na umotikna tolu taon.
(3)Saboiboina pendidikan sekolah lanjutan tingkat atas, mangantusi administrasi dohot manajemen pararataon.
(4)Na umotikna marumur 28 taon, jala satimbotimbona 61 taon hatiha mamungka ulaonna.

b.Bendahara huria
Ida no 5 na mangihut

Periode
Periodena opat taon jala boi dua periode padodot.

Maradian
a.Sidung periodena
b.Mangido maradian andorang so sidung periodena.
c.Hona Ruhut Parmahanion Paminsangon HKBP dohot na so sintong mangulahon ulaonna mangihuthon panimbangion ni rapot parhalado partohonan.
d.Pinda huria.
e.Monding
5.Bendahara Huria

Ulaonna
a.Papunguhon, mangetong, manimpan sude hepeng na huria na marharoroan sian ulaonna na marragam I di huria.
b.Manggarar marhite hepeng huria sude nasa haporluan ni ulaon na marragam I di huria tu haputuson ni rapot parhalado partohonan jala ditolopi uluan ni huria.
c.Patupahon barita parhepengon ni huria marhite tingting manang boaboa na tarsurat, stensilan manang cetakan ganup minggu, ganup bulan, ganup triwulan, manang ganup semester.
d.Manimpan hepeng huria di bank manang di kantor pos na jumonok, asing ma sipangkeon ganup ari, boi ma disimpan di brankas hombar tu haputusan ni parhalado partohonan.
e.Manongos nasa hepeng na patut pasahaton tu resort, distrik dohot hatopan HKBP, jala ditolopi uluan ni huria.
f.Mangatur nasa hepeng ni huria marhite pembukuan ni hepeng na masuk dohot na haruar. Rajuman do songon wakil bendahara huria sude bendahara dewan dohot seksi na maniop kas na metmet.
g.Mangalehon pertanggungjawaban tu uluan ni huria dohot tu rapot parhalado partohonan.
Syarat gabe Bendahara Huria
a.Sintua manang ruas na boi gabe juara bagas haposan na pinillit ni rapot parhalado partohonan.
b.Na ringgas mangula ulaonna, na so hasurahan pangalahona.
c.Saboiboina pendidikan sekolah lanjutan tingkat atas, jala mangantusi manajemen parhepengon, lumobi akuntansi.
d.Na umotikna marumur 28 taon, jala satimbotimbona 61 taon hatiha mamungka periodena.

Periodena
Periodena opat taon jala boi dua periode padodot

Maradian
a.Sidung periodena
b.Mangido maradian andorang so sidung periodena.
c.Hona Ruhut Parmahanion Paminsangon HKBP dohot na so sintong mangulahon ulaonna mangihuthon panimbangion ni rapot parhalado partohonan.
d.Pinda huria.
e.Monding

PARATURAN: PONGGOL PARJOLO HURIA Bindu 5

Bindu 5: Dewan
1. Adong do tolu dewan di huria hombar tu sitolu ulaon panjouon ni huria, I ma: dewan koinonia, dewan marturia, dewan diakonia, jala adong do anggota seksi di toru ni dewan.
Ulaonna
a.Manjalo usulan rencana tahunan dohot anggaran sian ganup seksi
b.Patomutomuhon rencana tahunan dohot anggaran sipasahatonna tu uluan ni huria asa dipasahat hataan ni rapot parhalado partohonan jala asa ditotophon rapot huria.
c.Mangkoordinasi ganup seksi mangulahon rencana tahunan dohot anggaran ni ganup seksi.
d.Maniroi dohot mangevaluasi pardalanan ni rencana tahunan dohot anggaran ni ganup seksi.
e.Pasahathon laporan pertanggungjawaban tu uluan ni huria.

Ruasna
Ruas ni dewan I ma:
a. Lima ro di pitu halak na pinillit ni rapot parhalado partohonan.
b. Sude ketua seksi ex-officio

Uluanna
Uluanna I ma ketua dewan pinillit ni rapot dewan I sian tongatonga nasida niuluhon ni uluan huria.

Periodena
Periodena opat taon

2. Dewan Koinonia
Pangantusion
Dewan Koinonia ima organ na sumangkapi dohot na patupahon angka panghobasion na padasiphon parsaoran na saroha, na sapingkiran dohot sapanghilalaan di huria, na manghamham seksi sikola minggu, remaja, naposo bulung, parompan dohot ama.

Seksi Sikola Minggu
a.Ruasna
Sude ianankhon ni huria na marumur opat ro di 12 taon.

b.Pangurusna
Pangurus I ma: ketua, sekretaris, bendahara dohot anggota pangurus na pinilit ni rapot hadomuan ni dewan koinonia dohot parhalado partohonan sian tongatonga ni ruas na magodang dohot sian guru sikola minggu.

c.Ulaonna
(1) Manogunogu dakdanak sikola minggu laho mangguruhon hata ni Debata.
(2) Manogunogu dakdanak sikola minggu di perkembangan pangantusion parugamoon dohot parhuriaon.
(3) Manogunogu dakdanak sikola minggu hombar tu Pola Pendidikan Sikola Minggu naung tinotophon ni HKBP
(4) Patupa evaluasi dohot laporan taringot tu pangulaonna sipasahatonna tu ketua dewan koinoniadohot tu uluan ni huria hombar tu tingki naung ditontuhon

d. Periodena
Dua taon do leleng ni periode kepengurusan ni seksi sikola minggu, jala pandita resort do na melantik pengurus I di jolo ni ruas di parmingguan.

Guru Sikola Minggu
a. Syarat gabe guru sikola minggu I ma:
(1) Na rade mamelehon dirina mangula di tongatonga ni dakdanak sikola minggu huria.
(2) Sitiruon pangalahona, ndang hasurahan, ringgas marminggu manang tu parpunguan dohot na mangulahon ulaon parhuriaon.
(3) Na ringgas marsermon
(4) Na umotikna marumur 18 taon, jala naung manghatindanghon haporseaon.
(5) Saboiboina berpendidikan keguruan, jala adong pangantusionna taringot tu perkembangan ni pingkiran, emosi dohot pamatang ni dakdanak sikola minggu, dohot proses belajar.
(6) Na dipillit di rapot hadomuan ni dewan koinonia dohot parhalado partohonan, sian tongatonga ruas ni huria, jala ditotophon uluan ni huria marhite Surat Haputuson jala ditingtinghon di parmingguan ni huria.

b. Ulaonna
(1) Patomutomuhon parsiajaran taringot hata ni Debata, ngolu hakristenon dohot huria, songon i parngoluaon ni sude HKBP hombar tu perkembangan si pingkiran, emosi, dohot pamatang ni dakdanak sikola minggu.
(2) Mangajarhon parsiajaran naung dipatomutomu hombar tu horong ni sikola minggu.
(3) Sumangkapi dohot patupahon angka ulaon ekstra kurikuler, isarana wisata rohani dohot panopoton tu angka panti asuhan, siulahonon ni sikola minggu
(4) Patupa evaluasi taringot tu pangantusion dohot panghangoluhonon di dakdanak sikola minggu hombar tu tingki naung ditontuhon jala mamangke hasil evaluasi laho pahinsathon mutu pangajarion tu sikola minggu.
(5) Mambahen laporan taringot tu pangajarion ni sikola minggu hombar tu tingki naung ditontuhon, sipashatonna tu ketua seksi sikola minggu asa dihatai di rapot ni sikola minggu, sipasahatonna muse tu ketua dewan koinonia dohot tu uluan ni huria.

Seksi Remaja
a. Pangantusion
Seksi remaja, I ma hadomuan ni angka naposo na so ampit masuk tu sikola minggu dohot tu naposobulung ala ni bangko na mardomu tu umurna.

b. Ruasna
Sude anakhon ni ruas ni huria na marumur 12 sahat tu 18 taon.

c. Pangurusna
Pengurus I ma: ketua, sekretaris, bendahara dohot anggota pangurus marguru tu haporluan na pinillit ni rapot remaja huria niuluhon ni ketua dewan koinonia, jala silaporhononna tu uluan ni huria.

d. Ulaonna
(1) Manogunogu remaja laho mangguruhon hata ni Debata.
(2) Manogunogu remaja di perkembangan pangantusion parugamoon dohot parhuriaon.
(3) Manogunogu remaja hombar tu Pola Pelaksanaan Seksi Remaja naung tinotophon ni HKBP
(4) Patupa evaluasi dohot laporan taringot tu panghobasion tu remaja jala sipasahatonna tu ketua dewan koinonia dohot tu uluan ni huria hombar tu tingki naung ditontuhon

e. Periodena
Dua taon do leleng ni periode kepengurusan ni seksi remaja, jala pandita resort do na melantik pangurus i di jolo ni ruas di parmingguon.

Seksi Naposobulung
a. Pangantusion
Seksi napososbulung I ma hadomuan ni sue naposobulung ni huria, baoa dohot parompuan na marumur di ginjang ni umur remaja jala ndang marhasohotan dope, jala tarsurat goarna songon ruas ni huria

b. Ruasna
Sude naposobulung ruas ni huria

c. Pengurusna
Pengurus I ma ketua, sekretaris, bendahara dohot anggota pangurus marguru tu haporluannana pinillit ni rapot naposobulung huria niuluhon ni ketua dewan koinonia jala silaporhononna tu uluan ni huria.

d. Ulaonna
(1) Sumangkapi dohot patupahon ulaon panghobasion tu naposobulung huria di panghangoluhononhon di hata ni Debata asa lam magodang manuju hatnangon ni haporseaon.
(2) Manogunogu naposobulung asa lam tang dipangantusion parugamoon manang parhuriaon, lumobi taringot tu hajongjongan dohot parngoluon ni naposobulung, asa lam magodang di haporseaon.
(3) Manogunogu naposobulung na hombar tu POla Pelaksanaan Seksi Naposobulung naung tinotophon ni HKBP
(4) Patupa evaluasi dohot laporan taringot tu panghobasion ni naposobulung sipasahatonna tu ketua dewan koinonia dohot tu uluan ni huria hombar tu tingki naung ditontuhon.

e. Periodena
Dua taon do leleng ni periode kepengurusan ni seksi naposobulung, jala pandita resort do na melantik pangurus I di jolo ni ruas di parmingguon.

Seksi Parompuan
a. Pangantusion
Seksi parompuan I ima hadomuan ni sandok parompuan naung matobang ruas ni huria I, na marsohoton manang na so marhasohoton, na so ampit be gabe ruas ni seksi naposobulung.

b. Ruasna
Sude ruas ni huria parompuan naung matobang hombar tu pangantusion 2.6.a na di ginjang i.

c. Pengurusna
Pengurus I ma ketua, sekretaris, bendahara dohot anggota pangurus marguru tu haporluanna na pinillit ni rapot parompuan huria niuluhon ni ketua dewan koinonia jala silaporhononna tu uluan ni huria

d. Ulaonna
(1) Sumangkapi dohot patupahon ulaon panghobasion tu parompuan huria di panghangoluhononhon di hata ni Debata asa lam magodang manuju hatangon ni haporseaon.
(2) Manogunogu parompuan asa lam tang dipangantusion parugamoon manang parhuriaon, lumobi taringot tu hajongjongan dohot parngoluon ni parompuan, asa lam magodang di haporseaon.
(3) Manogunogu parompuan na hombar tu Pola Pelaksanaan Seksi Parompuan naung tinotophon ni HKBP
(4) Patupa evaluasi dohot laporan taringot tu panghobasion ni parompuan sipasahatonna tu ketua dewan koinonia dohot tu uluan ni huria hombar tu tingki naung ditontuhon.

e. Periodena
Dua taon do leleng ni periode kepengurusan ni seksi parompuan, jala pandita resort do na melantik pangurus I di jolo ni ruas di parmingguon

Seksi Ama
a. Pangantusion
Seksi ama I ima hadomuan ni sandok baoa ruas ni huria I, na marsohotan manang na so marhasohotan, na so ampit be gabe ruas ni naposobulung, jala tarsurat goarna songon ruas ni huria HKBP.

b. Ruasna
Sude ama ruas ni huria.

c. Pengurusna
Pengurus I ma ketua, sekretaris, bendahara dohot anggota pangurus marguru tu haporluanna na pinillit ni rapot ama huria niuluhon ni ketua dewan koinonia jala silaporhononna tu uluan ni huria

d. Ulaonna
(1) Sumangkapi dohot patupahon ulaon panghobasion tu ama huria di panghangoluhononhon di hata ni Debata asa lam magodang manuju hatangon ni haporseaon.
(2) Manogunogu ama asa lam tang dipangantusion parugamoon manang parhuriaon, lumobi taringot tu hajongjongan dohot parngoluon ni ama, asa lam magodang di haporseaon.
(3) Manogunogu ama na hombar tu Pola Pelaksanaan Seksi Ama naung tinotophon ni HKBP
(4) Patupa evaluasi dohot laporan taringot tu panghobasion ni ama sipasahatonna tu ketua dewan koinonia dohot tu uluan ni huria hombar tu tingki naung ditontuhon.

e. Periodena
Dua taon do leleng ni periode kepengurusan ni seksi ama, jala pandita resort do na melantik pangurus I di jolo ni ruas di parmingguon

3. Dewan Marturia
Pangantusion
Dewan Marturia I ma organ na mamingkiri dohot patupahon ulaon marbarita nauli di tongatonga ni huria dohot masyarakat na manghamham seksi sending dohot seksi musik.

Seksi Sending
a. Pangantusion
Seksi sending I ma unit panghobasi na pinatupa ni huria laho mamaritahon barita na uli tu humaliangna.

b. Ulaonna
(1) Mangulahon sending HKBP dibagasan huria I sandiri.
(2) Mangulahon sending HKBP tu luar ni huria.
(3) Papungu tumpak, dana marhite donateur dohot ulaon na asing laho manumpahi ulaon sending na umbidang.
(4) Padalanhon program sending HKBP
(5) Patupa evaluasi dohot laporan taringot tu pangulaonna sipasahatonna tu ketua dewan marturia dohot tu uluan ni huria tu tingki naung ditontuhon.

c. Pangurus dohot Ruasna
(1) Rapot parhalado partohonan do na mamillit ruas ni seksi I tolu ro di lima halak sian parhalado partohonan dohot lima ro di pitu halak sian ruas ni huria.
(2) Rapot seksi do na mamillit ketua dohot sekretaris sian tongatonganasida, na tinolopan ni rapot parhalado partohonan.
(3) Seksi I do na pabangkithon angka kepanitiaan hombar tu ringkotna tinolopan ni parhalado partohonan. Panitia marhite ketua panitia bertanggungjawab tu rapot seksi.
(4) Na marrapot do seksi on hombar tu ringkotna, na umotikna sahali onom bulan.

d. Periodena
Periodena dua taon

Seksi Musik
a. Pangantusion
Seksi unit I ma unit panghobasi na pinatupa ni huria laho manghobasi ulaon parendeon dohot uninguningan di huria.

b. Ulaonna
(1) Mangalehon panogunoguon tu parendeon dohot uninguningan di huria, laho mamaritahon hata ni Debata.
(2) Paradehon haporluan na mardomu tu ulaon parendeon dohot uninguningan.
(3) Pahinsathon angka punguan parendeon dohot punguan uninguningan.
(4) Patupa evaluasi dohot laporan taringot tu pangulaonna sipasahatonna tu ketua dewan marturia dohot tu uluan ni huria hombar tu tingki naung ditontuhon.

c. Pengurus dohot Ruasna
(1) Rapot Parhalado Partohonan do na mamillit ruas ni seksi I tolu ro di lima halak sian parhalado partohonan dohot lima ro di pitu halak sian ruas ni huria.
(2) Rapot seksi do na mamillit ketua dohot sekretaris sian tongatonganasida na tinolopan ni Rapot Parhalado Partohonan.
(3) Seksi I do na pabangkithon angka kepanitiaan hombar tu ringkotna tinolopan ni parhalado partohonan. Panitia marhite ketua panitia bertanggungjawab tu rapot seksi.
(4) Na marrapot do seksi on hombar tu ringkotna, na umotikna sahali onom bulan.

d. Periodena
Periodena dua taon.

4. Dewan Diakonia
Pangantusion
Dewan diakonia I ma organ na mamingkiri dohot patupahon ulaon asi ni roha; pahinsathon parbinotoan dohot hahipason, songon I nang patupahon panghataion dohot parsaoran tu masyarakat na humaliang dohot tu pamarenta, na manghamham seksi diakonia social, seksi pendidikan, seksi kesehatan, dohot seksi kemasyarakatan.
Seksi Diakonia Sosial

a. Pangantusion
Seksi diakonia social I ma unit panghobasi na pinatupa ni huria laho pasauthon ulaon asi ni roha tu angka na patut urupan

b. Ulaonna
(1) Manghobasi ulaon asi ni roha di bagasan huria I sandiri na manghaporluhon pangurupion sian huria.
(2) Mangualhon ulaon diakonia social tu angka na tarhurung, panti asuhan dohot na asing di luar ni huria I sandiri.
(3) Papungu tumpak, dana sian donateur dohot sumber na asing laho pasauthon ulaon diakonia na umbidang
(4) Padalanhon program diakonia social HKBP
(5) Patupa evaluasi dohot laporan taringot tu parulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.

c. Pangurus dohot Ruasna
(1) Rapot parhalado partohonan do na mamollit ruas ni seksi I tolu ro di lima halak sian parhalado partohonan dohot lima ro di pitu halak sian ruas ni huria.
(2) Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3) Seksi I do na pabangkithon angka kepanitiaan hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi.
(4) Na marrapot do seksi on hombar tu ringkotna, na umotikna sahali onom bulan.

d. Periodena
Periodena dua taon

Seksi Pendidikan
a. Pangantusion
Seksi pendidikan I ma unit panghobasi na pinatupa ni huria laho manghobasi ulaon pendidikan manang pangajarion dohot latihan tu ruas ni huria songon I nang tu na humaliangna, marguru tu haporluonna.

b. Ulaonna
(1) Manghobasi ulaon pendidikan manang pangajarion dohot latihan di tongatonga ruas ni huria dohot na humaliangnamarguru tu haporluan ni masyarakat nang bangso.
(2) Mangalului dalan patupahon kerjasama pendidikan manang latihan dohot lapangan kerja na ampit.
(3) Papunguhon tumpak, dana sian manang piga sumber laho manghobasi beasiswa tu ianakhon ni huria na manghaporluhon.
(4) Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.

c. Pangurus dohot Ruasna
(1) Rapot hadomuan dewan diakonia dohot parhalado partohonan do mamillit ruas ni seksi hombar tu haporluanna.
(2) Rapot ni seksi do mamillit ketua dohot sekretaris sian tongatonga ni ruas naung tarpillit I, silaporhononhonna tu ketua dewan diakonia dohot uluan ni huriamangido persetujuan asa ditotophon
(3) Hombar tu tingkotna, rapot seksi pendidikan ma padiri panitia, silaporhononna tu ketua dewan diakonia dohot uluan ni huria, mangido persetujuan asa ditotophon. Panitia marhite ketua panitia martanggungjawab tu rapot ni seksi.
(4) Na marrapot do seksi hombar tu ringkotna na umotikna sahali onom bulan.

d.Periodena
Periodena dua taon

Yayasan Pendidikan
Na boi do rapot hadomuan dewan diakonia dohot parhalado partohonan pajongjonghon yayasan pendidikan laho mandalanhon pendidikan dohot pelatihan hombar tu hatontuan ni pamarenta dohot Kebijakan Dasar Pendidikan HKBP. Molo dung jongjong yayasan I, ndang pola be adong seksi pendidikan.

Seksi Kesehatan
a. Pangantusion
Seksi kesehatan I ma unit panghobasi na pinatupa ni huria laho manghobasi pelayanan kesehatan tu ruas ni huria dohot na humaliangna na manghaporluhonsa.

b. Ulaonna
(1) Manghobasi pelayanan kesehatan tu ruas ni huria dohot na humaliangna na manghaporluhonsa
(2) Mangalehon panorangion tu ruas ni huria dohot na humaliangna taringot tu kesehatan.
(3) Manghobasi ulaon papungutumpak manang dana laho mangurupi pembangunan kesehatan masyarakat.
(4) Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.
c. Pangurus dohot Ruasna
(1) Rapot parhalado partohonan do na mamillit ruas ni seksi I tolu ro di lima halak sian parhalado partohonan dohot lima ro di pitu halak sian ruas ni huria.
(2) Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3) Seksi do na pabangkithon angka kepanitiaan hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi.
(4) Na marrapot do seksi hombar tu ringkotna, na umotikna sahali onom bulan.

d. Periodena
Periodena dua taon

Seksi Kemasyarakatan
a. Pangantusion
Seksi kemasyarakatan I ma unit panghobasi na pinatupa ni huria padimundimun, mamingkiri dohot patureturehon parsaoran tu masyarakat na humaliang dohot pamarenta

b. Ulaonna
(1) Sumangkapi dohot patupa panogunoguon laho pahembanghon parsaoran na konstruktif dohot pamarenta songon I nang angka horong masyarakat songon hasasaut ni HKBP na inklusif jala dialogis
(2) Mamarrohahon angka na masa di tongatonga ni masyarakat dohot di ragam ni parngoluon huhut sumangkapi dohot manontuhon sikap ni HKBP marpardomuan tu angka na masa i.
(3) Sumangkapi dohot patupa angka usaha pahinsathonparngoluan ni masyarakat dohot pangaramotion di lingkungan hidup.
(4) Sumangkapi dohot mangusahahon angka dana na porlu tu panghobasion i.
(5) Patupa evaluasi dohot laporan taringot tu pangulaonna sipasahatonna tu ketua dewan diakonia dohot tu uluan ni huria hombar tu tingki naung ditontuhon.

c. Pangurus dohot Ruasna
(1) Rapot parhalado partohonan do na mamillit ruas ni seksi I tolu ro di lima halak sian parhalado partohonan dohot lima ro di pitu halak sian ruas ni huria.
(2) Rapot seksi do na mamillit ketua dohot sekretaris sian tongatonga nasida tinolopan ni rapot parhalado partohonan.
(3) Seksi do pabangkithon angka keanitiaan hombar tu ringkotna tinolopan ni rapot parhalado partohonan. Panitia marhite ketua panitia bertanggungjawab tu rapot seksi
(4) Na marraot do seksi hombar tu ringkotna na umotikna sahali onom bulan.

d. Periodena
Periodena dua taon.

PONGGOL PADUAHON: RESORT

Bindu 6: Resort
1.Pangantusion
Resort I ma hadomuan ni huria marsadasada laho padasiphon dohot pahembanghon parsaoran, panindangion, panghobasion di tongatonga ni angka huria.

2.Syarat ni Resort na Imbaru
Lobi sian sada huria
Une parpeak ni resort I gabe sada hadomuan ni panghobasion parhuriaon.
Boi mananggung balanjo ni pangula na gok dohot angka haporluan ni resort I songon I nang tanggungjawabna tu distrik dohot tu hatopan HKBP
Adong rade bagas ni pandita resort, kantor resort dohot inventaris resort.
Adong surat pangidoan sian resort na naeng manjae I, tinolopan ni rapot resort na pajaehon I, mardongan sejarah ni angka huria na tu resort I, statistic ni ruas, inventaris, laporan keuangan, dohot daftar ni parhaladona adong di resort ina ditujuhon tu Uluan HKBP
Praeses ma mangaresmihon resort I, dung adong panolopion sian Uluan HKBP

3.Resort Khusus
Molo adong huria na naeng manjae gabe resort manggohi sude angka syarat na di ginjang I, uluan distrik ma manangkasi hatauonnasida, jala Uluan HKBP ma manimbangi dohot manotophon.

Bindu 7: Na Manghobasi Resort
1.Pandita Resort
Ulaonna
Manguluhon resort rap dohot parhalado resort
Manguluhon huria sabungan ni resort I rap dohot parhalado partohonan
Manguluhon rapot resort, rapot parhalado resort dohot angka rapot na marrumang tirket resort
Mamingkiri nasa na ringkot na tau pangoluhon dohot pahehehon huria dohot parhalado na di resort i.
Maniroi huria na masuk tu resort I laho manggohi tanggungjawabna.
Patulushon hapitisan ni Sinode Godang, Rapot Majelis Pekerja Sinode, sinode distrik, rapot majelis pekerja distrik dohot rapot resort.
Mangaramoti dohot maniroi parhepengon dohot arta ni huria na masuk tu resort i.
Patupa evaluasi dohot mangalehon laporan pangulaon, statistic dohot keuangan resort tu rapot resort dohot praeses

2.Parhalado Resort
Ulaonna
a.Mandongani pandita resort manguluhon resort i.
b.Pahehehon dohot patupahon ulaon hadomuan ni angka dewan dohot seksi di angka huria na di resort i.
c.Patulushon haputusan ni Sinode Godang, Rapot Majelis Pekerja Sinode, sinode distrik, majelis pekerja sinode distrik dohot rapot resort.
Uluanna
Pandita resort
Ruasna
a.Pandita resort
b.Opat manang onom halak na pinillit ni rapot resort sian anggota rapot resort. Periodena opat taon, jala boi dipillit dua hali padodot

3.Sekretaris Bendahara Resort
Ulaonna
a.Paturehon administrasi dohot parhepengon di resort
b.Manghobasi dohot paradehon na ringkot tu sude rapot na di resort i.
c.Manungguli, manjalo, manimpan dohot paruarhon hepeng di resort hombar tu haputuson ni rapot resort dohot parhalado resort tinolopan ni pandita resort.
d.Manjalo dohot mamareso huhut mangaramoti dohot manongoshon hepeng tu distrik dohot tu hatopan sian angka huria na masuk tu resort I tinolopan ni pandita resort
e.Mangalului dalan pamasukhon hepeng tu kas resort na tinolopan ni pandita resort
f.Patupa evaluasi dohot laporan pertanggungjawaban ganup bulan tu pandita resort

Syaratna
a.Sahalak sian parhalado resort na boi gabe juara bagas haposan pinillit ni rapot resort.
b.Na ringga mangula ulaonna, so hasurahan pangalahona.
c.Saboiboina berpendidikan sekolah lanjutan tingkat atas, jala mangantusi ulaon administrasi dohot manajemen parhepengon
d.Na umotikna marumur 30 taon, jala satimbotimbona 61 taon hatiha mamungka periodena.

Periodena
Periodena opat taon, jala boi dipillit dua hali padodot

PONGGOL PATOLUHON: DISTRIK

Bindu 8: Distrik
1.Pangantusion
Distrik I ma hadomuan ni manang piga resort laho padasiphon, pahembanghon parsaoran, panindangion dohot panghobasion di tongatonga ni distrik i

2.Syarat Distrik
Na umotikna onom resort
Une parpeakna laho padasiphon panghobasion
Marhatauon patulushon dohot mangulahon angka ulaon na tinotophon ni Sinode Godang, Majelis Pekerja Sinode, Uluan HKBP, sinode distrik dohot majelis pekerja sinode distrik
Boi patukhon angka na hinaporluhon ni distrik i.
Uluan HKBP ma na manimbangi hatauon ni na naeng gabe distrik I dohot sabungan distrik hombar tu turgas na sian sinode distrik haborhatanna.
Majelis Pekerja Sinode ma na manotophon distrik I asa dibahen Ephorus bisolot sipasahatonna di tingki parmingguon peresmian ni distrik i.

Bindu 9: Na Manghobasi Distrik
1.Praeses
Ulaonna
a.Manguluhon distrik rap dohot angka kepala bidang
b.Patomutomuhon rencana strategis dohot program kerja tahunan ni distrik hpmbar tu haputuson ni Sinode Godang, Majelis Pekerja Sinode dohot Rapot Uluan ni HKBP
c.Maniroi, marmahani angka partohonan di ulaonnahombar tu tugas dohot tohonanna be.
d.Manogunogu jala maniroi sude ulaon di angka huria dohot resort na mardomu tu partondion dohot parartaon.
e.Manguluhon sinode distrik, majelis pekerja sinode distrik dohot rapot uluan distrik
f.Mangaresmihon angak huria dohot resort na imbaru, naung tinolopan ni Uluan HKBP.
g.Mangebati angka huria dohot manguluhon angka pesta jubileum ni huria.
h.Mangojakhon angka partohonan nag ok tingki tu ulaonna di distrik i.
i.Paujunghon angka hamaolon na masa di huria dohot resort na so boi dipaujung parhalado resort
j.Maniroi hasasaut ni na pinutushon ni sinode Godang, Majelis Pekerja Sinode, sinode distrik, rapot majelis pekerja sinode distrik dohot rapot distrik.
k.Patupahon dohot manguluhon rapot ni angka partohonan na gok tingki di distrik i.
l.Maniroi dohot manjalo laporan pardalan ni angka lembaga pendidikan HKBP na adong di distrik sian yayasan.
m.Mangalehon laporan dohot turgas tu Ephorus taringot tu hatauon dohot parpindaon ni angka partohonan nag ok tingki di distrik i.
n.Patupa evaluasi dohot pasahathon laporan pertanggungjawaban secara berkala tu Ephorus jala pasahathon barita pangulaon tu majelis pekerja sinode distrik dohot barita jujur taon tu sinode distrik

Syarat gabe Praeses
a.Na umotikna 15 taon naung manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP mangula di huria manang lembaga na asing.
b.Na so hea hona Ruhut Parmahanion Paminsangon HKBP.
c.Na hipas roha dohot pamatangna
d.Ndang lobi umurna sian 61 taon di tingki pamilliton
e.Na pinillit ni Sinode Godang

Pamilliton
a.Ganup distrik patujolohon bakal calon tolu tu lima halak sian tongatonga ni sude pandita HKBP naung manggohi persyaratan.
b.Ephorus pasahathon goargoar ni angka bakal calon praeses na sian distrik I tu Ephorus HKBP na tarpillit asa ditontuhon calon praeses sipilliton ni Sinode Godang, godangna dua hali nasa godang ni distrik huhut mamarrohahon torop ni distrik na patujuolohon bakal calon i.
c.Sinode Godang ma mamillit sian calon na pinatujolo ni Ephorus HKBP tarpillit sagodang ni distrik marhite na mametek soara sahat tu na dapot 1/2 N+1
d.Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang.
e.Ephorus tarpillit ma melantik praeses na tarpillit I di parmingguon di gereja HKBP

2.Angka Bidang di Distrik
Pangantusion
a.Bidang I ma organ na mangulahon panghobasion pasauthon si tolu ulaon panjouon ni huria di distrik.
b.Pangadonghonon ni bidang dohot uluanna dipahombar ma tu haporluan dohot haboion ni distrik i.

Bidang Koinonia
a.Ulaonna
(1)Sumangkapi dohot patupahon angka kegiatan asa lam dasip parsaoran na saroha, sapingkiron dohot sapanghilalaon di angka huria dohot resort na adong di distrik i.
(2)Padimundimun dohot pahehehon parsaoran ni angka parhalado di distrik i.
(3)Padimundimun dohot pahehehon parsaoran ni angka kategorial.
(4)Patupahon kegiatan dohot kebaktian hadomuan di tirket distrik
(5)Paradehon bahan-bahan manang materi pembinaan kategorial dohot warga na marojahan tu program ni HKBP
(6)Paradehon dohot patomutomuhon bentuk liturgy na umbuk sipangkeon di angka kebaktian na tuk pahehehon ngolu parhuriaon HKBP.
(7)Patupahon parsaoran dohot kegiatan ibadah hadomuan tu angka huria tetangga na adong di distrik i.
(8)Patupahon parsaoran kemasyarakatan dohot angka parugamo na asing.
(9)Patupa evaluasi dohot laporan pangulaon sipasahatonna tu praeses hombar tu tingki na ditontuhon

b.Uluanna
Kepala bidang koinonia I ma pandita na tinotophon ni Uluan HKBP marhite na manjalo turgas sian praeses.

Bidang Marturia
a.Ulaonna
(1)Mamingkiri dohot manghobasi ulaon sending tu angka horong khusus di tongatonga ni masyarakat.
(2)Pahinsathon hatauon ni angka parjamita dohot parbarita na uli sian ruas dohot partohonan ni huria.
(3)Mamingkiri dohot paradehon angka materi panidangion.
(4)Pahembanghon dohot pahehehon angka partangiangan di tongatonga ni masyarakat.
(5)Pararathon Barita na Uli tu sude masyarakat.
(6)Patupa evaluasi dohot laporan pangulaon sipasahatonna tu preases hombar tu tingki na ditontuhon.
b.Uluanna
Kepala bidang marturia i ma pandita na tinotophon ni Uluan HKBP marhite na manjalo turgas sian praeses

Bidang Diakonia
a.Ulaonna
(1)Sumangkapi dohot patupahon angka usaha laho pahinsathon mutu panghobasion social di huria, di resort dohot di distrik songon I nang di tongatonga ni masyarakat.
(2)Sumangkapi dohot patupahon angka usaha pahinsathon mutu panghobasion di pendidikan dohot kesehatan tu angka ruas ni huria dohot masyarakat lumobi marhite angka lembaga dohot seksi na adong di huria dohot di resort.
(3)Sumangkapi dohot patupahon angka usaha pahinsathon mutu parngoluan ekonomi ni ruas ni huria dohot masyarakat lumobi marhite seksi diakonia social dohot seksi kemasyarakatan na adong di huria.
(4)Sumangkapi dohot patupahon angka usaha mangurupi angka parsingkola na so boi manggarar biaya pendidikan, dohot tu angka na so dapot ulaon, na so marama na so marina, na martihas dohot na so dapot inganan parmianan.
(5)Mamarrohahon angka na masa di tongatonga ni masyarakat jala sumangkapi huhut manontuhon sikap dohot pandapot na porlu sian HKBP mangadopi angka na masa i.
(6)Patureturehon dohot pahembanghon parsaoran na komunikatif jala denggan dohot angka horong masyarakat dohot pamarenta.
(7)Mangusahaon dana na porlu tu panghobasion ni bidang diakoni jala tongtong patureture parsaoran dohot huria nang resort
(8)Patupa evaluasi dohot laporan taringot tu pangulaonna sipasahatonna tu praeses hombar tu tingki naung ditontuhon

b.Uluanna
Kepala bidang diakonia i ma sahalak sian ruas manang partohonan ni HKBP tinotophon ni Uluan HKBP marhite na manjalo turgas sian praeses

3.Majelis Pekerja Sinode Distrik
Pangantusion
Majelis pekerja sinode distrik i ma angka pangula na manghobasi distrik laho patulushon haputuson ni Sinode Godang, Majelis Pekerja Sinode, Rapot Uluan HKBP dohot sinode distrik
Ruasna
a.Praeses
b.Kepala Bidang
c.Ualu ro di 12 halak na pinillit ni sinode distrik sian parhalado
Periodena
Periodena opat taon

PONGGOL PAOPATHON: HATOPAN Bindu 10-12

Bindu 10<: Hatopan/strong>

Hatopan I ma hadomuan ni sandok HKBP marhitehite huria, resort, distrik dohot angka lembaga nang angka yayasan niuluhon ni Ephorus. Ulaon hatopan dihobasi: Ephorus, Sekretaris Jenderal, Kepala Departemen Koinonia, Kepala Departemen Marturia, Kepala Departemen Diakonia, yayasan, Ketua Rapot Pendeta, Majelis Pekerja Sinode, Badan Audit HKBP, Badan Usaha HKBP, Badan Penyelenggara Pendidikan HKBP, Badan Penelitian Pengembangan HKBP, Bendahara Hatopan, dohot komisi.

Bindu 11: Ephorus
1.Ulaonna
1.1.Marmahani huria dohot angka partohonandi sandok HKBP
1.2.Patupahon paniroion tu angka partohonan huhut pahinsathon hatauonnasida mangulahon tohonanna lumobi di ulaon parjamitaon dohot parmahanion
1.3.Mangaramoti dohot manoarahon ulaon hapanurirangon ni HKBP maradophon pamarenta manang panggomgomi marhite hata manang pambahenan laho pajongjonghon manang pahothon hatigoran dohot hasintongan di tongatonga ni bangso dohot Negara.
1.4.Mewakili HKBP maradophon panggomgomi, huria dohot angka badan na asing di dalam negeri dohot di luar negeri.
1.5.Manguluhon sandok HKBP nidonganan ni Sekretaris Jenderal dohot angka kepala departemen marojahan tu Bibel, Konfessi, Aturan Peraturan, Ruhut Parmahanion Paminsangon songon hapataran ni pangoloionna tu Jesus Kristus Raja ni Huria. Boi do Ephorus pasahathon sadasada ulaon tu Sekretaris Jenderal, tu kepala departemen, manang tu sahalak praeses hombar tu ringkotna.
1.6.Patupahon Sinode Godang hombar tu hatontuon ni parrapoton di Sinode Godang.
1.7.Manguluhon Rapot Uluan HKBP.
1.8.Mangojakhon praeses.
1.9.Manguluhon Rapot Praeses.
1.10.Paradehon dohot patomutomuhon Rencana Induk Pengembangan Pelayanan HKBP sipasahatonna tu Sinode Godang asa ditotophon.
1.11.Patomutomuhon Rencana Strategis HKBP sipasahatonna tu Sinode Godang dohot Rencana Tahunan dohot Rencana Anggaran Pendapatan Belanja sipasahatonna tu Majelis Pekerja Sinode asa ditotophon.
1.12.Mangebati angka huria laho manguluhon angka pesta pangompoion ni gareja dohot mameakhon batu ojahan
1.13.Pasahathon pasupasu tohonan pandita, guru huria, bibelvrouw, diakones dohot evangelis.
1.14.Pasahathon Barita Jujur Taon dohot pertanggungjawaban ni ulaonna manguluhon HKBP tu Sinode Godang.
1.15.Patomutomuhon Almanak HKBP.
1.16.Patupahon angka surat ketetapan taringot tu huria, resort, distrik na imbaru, yayasan, lembaga, dohot komisi, songon I nang na marpordomuan tu personalia.
1.17.Manjalo usul amandemen tu Aturan Peraturan HKBP.

2.Syarat gabe Ephorus
Na umotikna 20 taon naung manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP tu ulaon huria manang lembaga na asing.
Na so hea hona Ruhut parmahanion Paminsangon HKBP.
Na hipas roha dohot pamatangna.
Ndang lobi umurna 61 taon di tingki pamilliton i.
Na pinillit ni Sinode Godang.

3.Periodena
Periodena opat taon, jala boi dipillit dua hali padodot

4.Pamilliton
Ganup sinode distrik mancalonhon sada manang dua halak calon sian sandok pandita HKBP. Ala ni I boi do calon I sian duru ni distrikna, na manggohi syarat gabe Ephorus. Manontuhon calon I di ganup distrik, I ma marhite na mametek surat soara di sinode distrik i.
Sinode Godang mamillit sian angka calon I, marhite na mametek surat soara sahat ro di na dapot 1/2N + 1 soara.
Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang i.
Pandita na tumua sian ruas ni Sinode Godang I ma na melantik Ephorus na imbaru I di sada parmingguon di gareja HKBP.
5.Maradian dohot Marhalangan
5.1 Maradian
a. Sidung perodena
b. Mangido maradian
c. Hona Ruhut Parmahanion Paminsangon
d. Monding
5.2 Marhalangan
a.Marhalangan tidak tetap
Molo marhalangan Ephorus ala ni na marsahit manang laho dinas tu luar negeri, tu Kepala Departemen Koinonia ma tugas haephoruson dipasahat.
b.Marhalangan tetap
(1)Molo monding Ephorus manang ndang boi mangulahon ulaonna, Kepala Departemen Koinonia ma maniop jabatan haephoruson. Pamasaon ma Sinode Godang na jinou ni Kepala Departemen Koinonia mamillit Ephorus na imbaru laho manggohi periode na tinggal I dope, na lumambatna tolu bulan dung ditiop jabatan haephoruson i. Alai molo holan onom bulan nari nama asa sidung periode ni Ephorus na monding manang na berhalangan tetap I, ditorushon Kepala Departemen Koinonia ma maniop jabatan haephoruson I sahat tu ujung ni periode i.
(2)Saleleng maniop jabatan haephoruson Kepala Departemen Koinonia, holan ulaon na rutin do boi ulaonna.

Bindu 12: Sekretaris Jenderal
1.Ulaonna
Mandongani Ephorus manguluhon HKBP rap dohot kepala departemen
Manguluhon administrasi ni HKBP hombar tu Aturan dohot Peraturan ni HKBP.
Mewakili Ephorus mangulahon angka ulaon na pinasahat ni Ephorus hombar tu ringkotna
Manjalo laporan pangulaon sian angka organ panghobasi na di toruna
Rap dohot kepala departemen mandongani Ephorus patupahon Barita Pangulaon dohot Rencana Tahunandohot Rencana Anggaran Pendapatan Belanja Tahunan sipasahaton nasida tu rapot Majelis Pekerja Sinode dohot laporan Pertanggungjawaban dohot Rencana Strategist u Sinode Godang.
Paradehon nasa na ringkot tu ulaon na marhadomuan tu Sinode Godang dohot angka rapot hatopan HKBP.
Rap dohot Ephorus, dohot kepala departemen patupahon Rapot Uluan HKBP.
Patupa evaluasi dohot mangalehon pertanggungjawaban tu Ephorus marhite laporan rutin

2.Syarat gabe Sekretaris Jenderal
Na umotikna naung 15 taon manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP tu ulaon huria manang lembaga na asing
Na so hea hona Ruhut parmahanion Paminsangon HKBP.
Na hipas roha dohot pamatangna.
Ndang lobi umurna 61 taon di tingki pamilliton i.
Na pinillit ni Sinode Godang

3.Periodena
Periodena opat taon, jala boi dipillit dua hali padodot

4.Pamilliton
Ganup sinode distrik patujulohon sada manang dua halak sian pandita HKBP gabe calon Sekretaris Jenderal, ala ni I boi do calon I sian duru ni distrik na manggohi syarat gabe Sekretaris Jenderal. Manontuhon calon I, I ma marhite na mametek surat soara di sinode distrik.
Sinode Godang ma mamillit sada sian calon I marhite na mametek surat soara sahat tu na dapot 1/2N + 1 soara.
Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang i.
Ephorus tarpillit ma na melantik Sekretaris Jenderal di sada parmingguon di gareja HKBP

PONGGOL PAOPATHON: HATOPAN Bindu 13-15

Bindu 13: Kepala Departemen Koinonia
1.Ulaonna
Mandongani Ephorus rap dohot Sekretaris Jenderal dohot kepala departemen na asing manguluhon HKBP.
Manguluhon nasa ulaon di Departemen Koinonia
a.Mangkordinasihon perencanaan, pelaksanaan pararathon Barita na Uli di ganup tirket panghobasion HKBP.
b.Manusun kebijakan-kebijakan, peraturan-peraturan dohot angka pedoman na porlu tu ulaon panindangion di Hata ni Debata na boi gabe sitiopon ni sude na manghobasi di ganup tirket panghobasion.
c.Mewakili Ephorus mangulahon angka ulaon na pinasahat ni Ephorus hombar tu ringkotna.
d.Manjalo laporan pangulaon sian ganup organ panghobasi na di toruna.
e.Rap dohot Sekretaris Jenderal dohot kepala departemen na asing mandongani Ephorus patupahon Barita Pangulaon dohot Rencana Tahunan dohot Rencana Anggaran Pendapatan Belanja sipasahaton nasida tu Majelis Pekerja Sinode dohot Laporan Pertanggungjawaban dohot Rencana Strategis tu Sinode Godang.
f.Rap dohot Ephorus, Sekretaris Jenderal, Kepala Departemen Marturia dohot Kepala Departemen Diakonia patupahon Rapot Uluan HKBP.
g.Patupa evaluasi dohot mangalehon pertanggungjawaban tu Ephorus marhite laporan rutin.

2.Syarat gabe Kepala Departemen Koinonia
Na umotikna naung 15 taon manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP tu ulaon huria manang lembaga na asing
Na so hea hona Ruhut parmahanion Paminsangon HKBP.
Na hipas roha dohot pamatangna.
Ndang lobi sian 61 taon umurna di tingki pamilliton i.
Na pinillit ni Sinode Godang

3.Periodena
Periodena opat taon, jala boi dipillit dua hali padodot

4.Pamilliton
Ganup sinode distrik patujulohon sada manang dua halak sian pandita HKBP gabe calon Kepala Departemen Koinonia, ala ni I boi do calon I sian duru ni distrik na manggohi syarat gabe Kepala Departemen Koinonia. Manontuhon calon i, i ma marhite na mametek surat soara di sinode distrik.
Sinode Godang ma mamillit sada sian calon I marhite na mametek surat soara sahat tu na dapot 1/2N + 1 soara.
Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang i.
Ephorus tarpillit ma na melantik Kepala Departemen Koinonia di sada parmingguon di gareja HKBP

Bindu 14: Kepala Departemen Marturia
1.Ulaonna
Mandongani Ephorus rap dohot Sekretaris Jenderal dohot kepala departemen na asing manguluhon HKBP.
Manguluhon nasa ulaon di Departemen Marturia.
a.Mangkordinasihon perencanaan, pelaksanaan ni sude usaho na pahembanghon dohot na patoguhon parsaoran ni sude ruas ni HKBP di ganup tirket, parsaoran oikumenis di tirket local, nasional, regional, dohot internasional.
b.Manusun kebijakan-kebijakan, peraturan-peraturan dohot angka pedoman na porlu tu ulaon pahembanghon dohot patoguhon parsaoran ni sude ruas di ganup tirket, gabe sitiopon ni sude panghobasi.
c.Mewakili Ephorus mangulahon angka ulaon na pinasahat ni Ephorus hombar tu ringkotna.
d.Manjalo laporan pangulaon sian ganup organ panghobasi na di toruna.
e.Rap dohot Sekretaris Jenderal dohot kepala departemen na asing mandongani Ephorus patupahon Barita Pangulaon dohot Rencana Tahunan dohot Rencana Anggaran Pendapatan Belanja sipasahaton nasida tu Majelis Pekerja Sinode dohot Laporan Pertanggungjawaban dohot Rencana Startegis tu Sinode Godang.
f.Rap dohot Ephorus, Sekretaris Jenderal, Kepala Departemen Koinonia dohot Kepala Departemen Diakonia patupahon Rapot Uluan HKBP.
g.Patupa evaluasi dohot mangalehon pertanggungjawaban tu Ephorus marhite laporan rutin

2.Syarat gabe Kepala Departemen Marturia
Na umotikna naung 15 taon manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP tu ulaon huria manang lembaga na asing
Na so hea hona Ruhut parmahanion Paminsangon HKBP.
Na hipas roha dohot pamatangna.
Ndang lobi sian 61 taon umurnadi tingki pamilliton i.
Na pinillit ni Sinode Godang

3.Periodena
Periodena opat taon, jala boi dipillit dua hali padodot

4.Pamilliton
Ganup sinode distrik patujulohon sada manang dua halak sian pandita HKBP gabe calon Kepala Departemen Marturia, ala ni i boi do calon i sian duru ni distrik na manggohi syarat gabe Kepala Departemen Marturia. Manontuhon calon I, I ma marhite na mametek surat soara di sinode distrik.
Sinode Godang ma mamillit sada sian calon I marhite na mametek surat soara sahat tu na dapot 1/2N + 1 soara.
Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang i.
Ephorus tarpillit ma na melantik Kepala Departemen Marturia di sada parmingguon di gareja HKBP

Bindu 15: Kepala Departemen Diakonia
1.Ulaonna
Mandongani Ephorus rap dohot Sekretaris Jenderal dohot kepala departemen na asing manguluhon HKBP.
Manguluhon nasa ulaon di Departemen Diakonia.
a.Mangkordinasihon pengelolaan ni sude panghobasion sosial na mardomu tu na mangurupi angka na di hasusaan, songon I na mardomu tu yayasan pendidikan dasar, menengah dohot yayasan pendidikan tinggi, yayasan kesehatan dohot pengembangan masyarakat di ganup tirket panghobasion.
b.Manusun kebijakan-kebijakan, peraturan-peraturan dohot angka pedoman na porlu tu ulaon panghobasion diakoni, na gabe sitiopon ni sude parhobas di ganup tirket panghobasion.
c.Mewakili Ephorus mangulahon angka ulaon na pinasahat ni Ephorus hombar tu ringkotna.
d.Manjalo laporan pangulaon sian ganup organ panghobasi na di toruna.
e.Rap dohot Sekretaris Jenderal dohot kepala departemen na asing mandongani Ephorus patupahon Barita Pangulaon dohot Rencana Tahunan dohot Rencana Anggaran Pendapatan Belanja sipasahaton nasida tu Majelis Pekerja Sinode dohot Laporan Pertanggungjawaban dohot Rencana Startegis tu Sinode Godang.
f.Rap dohot Ephorus, Sekretaris Jenderal, Kepala Departemen Koinonia dohot Kepala Departemen Marturia patupahon Rapot Uluan HKBP.
g.Patupa evaluasi dohot mangalehon pertanggungjawaban tu Ephorus marhite laporan rutin.

2.Syarat gabe Kepala Departemen Diakonia
Sahalak sian partohonan manang sian ruas ni huria na rade mamelehon dirina tu ulaon panghobasion, parasirohaon, dohot kemayarakatan alan ni Kristus.
Na so hea hona Ruhut parmahanion Paminsangon HKBP.
Na hipas roha dohot pamatangna.
Ndang lobi sian 61 taon umurnadi tingki pamilliton i.
Na pinillit ni Sinode Godang

3.Periodena
Periodena opat taon, jala boi dipillit dua hali padodot

4.Pamilliton
Ganup sinode distrik patujulohon sada manang dua halak sian pandita HKBP gabe calon Kepala Departemen Diakonia, ala ni i boi do calon i sian duru ni distrik na manggohi syarat gabe Kepala Departemen Diakonia. Manontuhon calon i, i ma marhite na mametek surat soara di sinode distrik.
Sinode Godang ma mamillit sada sian calon I marhite na mametek surat soara sahat tu na dapot 1/2N + 1 soara.
Panitia pemilihan I ma sahalak pandita dohot sahalak na so pandita na pinatujolo ni ganup distrik na niuluhon ni pandita na tumua sian ruas ni Sinode Godang i.
Ephorus tarpillit ma na melantik Kepala Departemen Marturia di sada parmingguon di gareja HKBP.

PONGGOL PAOPATHON: HATOPAN Bindu 16-19

Bindu 16: Biro, Yayasan dohot Badan Penyelenggara Pendidikan HKBP
1.Biro i ma organ panghobasi di toru ni Sekretariat Jenderal dohot departemen, na dipatupa hombar tu haporluan dohot prinsip efisiensi

2.Yayasan
Pangantusion
Yayasan i ma organ panghobasi sosial na pinajongjong ni HKBP manang angka ruas ni HKBP marojahan tu Aturan Paraturan ni HKBP dohot paraturan ni pamarenta di tirket hatopan, distrik, ressort manang huria.
Ulaonna
a.Dipajongjong do yayasan laho mambahen marragam usaha lumobi di bidang marturia dohot diakonia, dohot tujuan pahinsathon hatauaon ruas ni HKBP dohot masyarakat umumna di ragam ni bidang parngoluon, asa boi mangadopi angka hamaolon hinorhon ni partingkian na torus maruba.
b.Ganup yayasan na pinajongjong ni HKBP adong do anggaran dasar dohot anggaran rumah tanggana sandiri, na marondolan jala na so maralo tu Aturan Paraturan ni HKBP, jala anggaran dasar dohot anggaran rumah tangga i ingkon disetujui departemen na gabe uluanna, manang HKBP na gabe uluan ni yayasan i di inganan hajongjonganna.
c.Na martanggungjawab do ganup yayasan tu departemen na gabe uluanna, manang tu HKBP na gabe uluan ni yayasan i di inganan hajongjonganna.
d.Songon tanda ni tanggung jawab na didok di point c na di ginjang i, ganup yayasan mangalehon laporan do secara berkala di bagasan na tarsurat tu uluanna na hombar.

3.Badan Penyelenggara Pendidikan HKBP
Badan Penyelenggara Pendidikan HKBP i ma organ pusat HKBP na manjalo mandat na gok sian Rapot Uluan HKBP laho manghobasi sude pendidikan di HKBP di bagasan sada sistem na marorientasi mutu.
Martanggungjawab tu Uluan HKBP do Badan Penyelenggara Pendidikan HKBP marhite Kepala Departemen Diakonia
Haruason, hapanguruson dohot angka ulaon ni Badan Penyelenggara Pendidikan HKBP, dohot sistem pendidikan na marorientasi mutu di HKBP ditontuhon do di basagan Kebijakan Dasar Pendidikan HKBP tinotophon ni Sinode Godang HKBP.

Bindu 17: Ketua Rapot Pandita
1.Ulaonna
Manguluhon Rapot Pandita
Maniroi angka pandita na mangadopi angka hamaolon di panghobasionna jala martukar pikiran dohot Ephorus taringot tusi.
Patupa pembinaan tu pandita dohot calon pandita rap dohot parhobas di Kantor Pusat
Manghobasi Tumpak Liat Pandita
Mandohoti rapot pandita distrik
Manggonghon pandita mandohoti rapot pandita tinolopan ni Ephorus.
Pasahathon haputusan ni Rapot Pandita tu Ephorus.
Rap dohot Ephorus manontuhon inganan, tingki, tema, panitia, dohot sihataan ni Rapot Pandita.

2.Syarat gabe Ketua Rapot Pandita
Na umotikna naung 20 taon manjalo tohonan hapanditaon di HKBP jala torus mangula di HKBP. Rajuman do na mangula di HKBP angka na diutus HKBP tu ulaon huria manang lembaga na asing
Na so hea hona Ruhut Parmahanion Paminsangon HKBP.
Na hipas roha dohot pamatangna.
Ndang lobi sian 61 taon umurna di tingki pamilliton i

3.Periodena
Periodena opat taon, jala boi dipillit dua hali padodot

Bindu 18: Majelis Pekerja Sinode
1.Pangantusion
Majelis Pekerja Sinode i ma rapot na mangula laho mamingkiri dalan pasauthon haputuson ni Sinode Godang

2.Ruasna
Ephorus, Sekretaris Jenderal, Kepala Departemen Koinonia, Kepala Departemen Marturia, Kepala Departemen Diakonia.
Sude praeses
Ketua Sekolah Tinggi Teeologi
Ketua Badan Penelitian dan Pengembangan HKBP
Ketua Badan Audit HKBP.
Ketua Badan Penyelenggara Pendidikan HKBP
Ketua Rapot Pandita
Sahalak utusan sian guru huria
Sahalak utusan sian bibelvrouw
Sahalak utusan sian diakones
Dua halak utusan distrik, sian ruas ni Sinode Godang. Molo pinda ruas ni Majelis Pekerja Sinode jala dipillit distrik i ma panggantina gabe ruas ni Majelis Pekerja Sinode sian ruas ni Sinode Godang.

3.Periodena
Periodena opat taon

Bindu 19: Badan Audit HKBP
1.Pangantuison
Badan Audit HKBP i ma organ na mamareso dohot na mengavaluasi pamangkeon na marhadomuan tu keuangan, parartaon dohot pelaksanaan program kerja ni sude unit panghobasion ni HKBP.

2.Ulaonna
Mamareso dohot patupahon audit pamangkeon ni parhepengon dohot arta di sude organ panghobasion di HKBP
Mamareso dohot manangkasi pelaksanaan ni program kerja di sude organ panghobasion di HKBP
Paradehon dohot patupahon laporan berkala ni pamaresoon dohot evaluasi pamangkeon ni hepeng dohot arta dohot pardalanan ni program kerja sipasahatonna tu uluan ni organ panghobasion i.
Pasahathon rekapitulasi hasil audit parhepengon ni HKBP tu ganup huria marhite Uluan HKBP pinomat sahali sataon.
Mangaramoti dohot maniroi parartaon dohot parhepengon ni HKBP.
Martanggungjawab tu Majelis Pekerja Sinode.

3.Uluanna
Kepala Badan Audit HKBP na pinillit ni Majelis Pekerja Sinode HKBP sian tongatonga ni ruas ni huria, jala ditotophon Uluan HKBP marhite surat haputusan.

4.Ruasna
Tolu ro di opat halak na pinabangkit ni Uluan HKBP sian tongatonga ni ruas HKBP, jala ditotophon marhite surat haputusan.

5.Syarat gabe Uluan dohot Ruas ni Badan Audit HKBP
5.1.Ruas ni HKBP na ringgas marminggu, burju marhuria jala rade mamelehon dirina tu ualon huria.
5.2.Ruas ni HKBP na adong hatauonna di bidang akuntansi keuangan, saboiboina naung hea mangula songon auditor.
5.3.Na hipas roha dohot pamatangna.
5.4.Na so hea hona Ruhut Parmahanion Paminsangon
Namarumur na umotikna 40 taon, jala satimbotimbona 61 taon.

PONGGOL PAOPATHON: HATOPAN Bindu 20-22

Bindu 20: Badan Usaha HKBP
1.Pangantusion
Badan Usaha HKBP i ma organ na mangusahahon sumber dana na porlu pangkeon ni HKBP laho patulushon panghobasionna

2.Ulaonna
Memberdayakan angka asset HKBP asa boi gabe sumber dana tu HKBP.
Pajongjong angka badan usaha ni HKBP manang badan usaha kerjasama dohot ruas manang dohot badan-badan luar negeri, na boi gabe sumber dana tu HKBP.
Mangalului dana sian angka ruas na mampu na olo manumpahi angka badan usaha HKBP.
Mengelola dana na marharoroan sian angka usaha ni badan-badan usaha HKBP hombar tu Aturan Peraturan HKBP.
Martanggungjawab tu Majelis Pekerja Sinode marhite Uluan HKBP.

3.Uluanna
Kepala Badan Usaha HKBP na pinillit ni Majelis Pekerja Sinode sian tongatonga ni Ruas HKBP, jala ditotophon Uluan HKBP marhite surat haputusan.

4.Ruasna
Torop ni ruas Badan Usaha HKBP 15 ro di 20 halak napinabangkit ni Uluan HKBP sian ruas ni HKBP.

5.Syarat gabe Uluan dohot Ruas ni Badan Usaha HKBP.
Ruas ni HKBP na ringgas marminggu, burju marhuria jala rade mamelehon dirina tu ulaon huria.
Ruas ni HKBP na adong hatauonna di bidang pengelolaan dohot pengembangan dunia usaha
Na hipas roha dohot pamatangna.
Na so hea hona Ruhut Parmahanion Paminsangon
Namarumur na umotikna 35 taon, jala satimbotimbona 61 taon

Bindu 21: Badan Penelitian dan Pengembangan HKBP
1.Pangantusion
Badan Penelitian dan Pengembangan HKBP i ma oragna na patupahon penelitian na mardomu tu parngoluan ni huria dohot masyarakat laho pahembanghon dohot padasiphon panghobasion ni huria.

2.Ulaonna
Patupahon angka penelitian na mardomu tu parngoluan ni Huria umumna dohot HKBP khususna.
Mamarrohahon dohot manangkasi perkembangan ni ilmu pengetahuan dan teknologi, politik, ekonomi, sosial, budaya na marpanghorhon tu ngolu ni huria.
Patomutomuhon strategi pahembanghon parngoluan dohot panghobasion ni HKBP dohot huria umumna marojahan tu hasil-hasil penelitian i.
Bekerjasama dohot Komisi Teologi di angka na marpardomuan tu poda dohot teologi.
Mangalehon laporan dohot saran tu Uluan HKBP laho mangurupi angka organ panghobasion na adong di HKBP.
Masiurupan di angka ulaon dohot Sekolah Tinggi Teologi HKBP, Universitas HKBP Nommensen dohot lembaga na asing na dirajumi porlu.
Patupa evaluasi dohot pasahathon laporan pertanggungjawaban tu Uluan HKBP na umotikna sahali sataon.

3.Uluanna
Kepala Badan Penelitian dan Pengembangan na pinabangkit ni Uluan HKBP sian tongatonga ni ruas HKBP, jala ditotophon marhite surat haputusan.

4.Syarat gabe Uluan dohot Ruas ni Balitbang HKBP.
Ruas ni HKBP na ringgas marminggu, burju marhuria jala rade mamelehon dirina tu ulaon huria.
Ruas ni HKBP na adong hatauonna di bidang penelitian
Na hipas roha dohot pamatangna.
Na so hea hona Ruhut Parmahanion Paminsangon
Namarumur na umotikna 35 taon, jala satimbotimbona 61 taon

5.Periondena
Periodena opat taon, jala boi dipillit dua hali padodot

Bindu 22: Bendahara Hatopan
1.Pangantusion
Bendahara Hatopan i ma organ na mangaramoti parhepengon di hatopan HKBP.

2.Ulaonna
Manjalo, manimpan, mangaramoti dohot mangharuarhon hepeng hombar tu Peraturan Keuangan Umum HKBP.
Mambahen laporan parhepengon tu Uluan HKBP pinomat sahali onom bulan.

3.Pabangkithon
Uluan HKBP do pabangkithon Bendahara Hatopan marhite surat haputusan

4.Syarat
Partohonan manang ruas ni HKBP.
Haposan jala adong keahlianna taringot tu parhepengon
Na hipas roha dohot pamatangna
Marumur na umotikna 30 taon jala satimbotimbona umur 61 taon

PONGGOL PALIMAHON: ANGKA KOMISI DI HKBP

Bindu 23: Komisi
1.Komisi Teologi
Ulaonna
a.Manangkasi teologi na tongon hehe di masyarakat di tirketnasiona, regional dohot internasional
b.Mangalehon informasi tu angka pandita taringot tu teologi na tongon hehe.
c.Patupa angka seminar, lokakarya, konsultasi taringot tu teologi na tongon hehe.
d.Manangkasi sundung ni angka na masa di tongatonga ni masyarakat sian panatapan teologi
e.Pasahathon hasil ni Komisi tu Ketua Rapot Pandita gabe sihataan di Rapot Pandita
f.Mangurupi perguruan tinggi teologi HKBP patupahon jurnal teologi.
g.Patupa evaluasi dohot pasahathon laporan pertanggungjawaban Komisi tu Uluan HKBP na umotikna sahali sataon.
Uluanna
Ketua Komisi Teologi na pinillit ni Uluan HKBP sian tongatonga ni pandita ruas ni komisi i.
Ruasna
a.Tolu halak dosen teologi
b.Dua halak praeses
c.Lima halak pandita
d.Tolu halak ruas ni huria

2.Komisi Liturgi dohot Ibadah
Ulaonna
a.Manangkasi liturgi dohot ibadah na adong di HKBP.
b.Manangkasi liturgi dohot ibadah na hinalomohon ni ruas ni huria hombar tu partingkian
c.Patomutomu angka rumang ni liturgi dohot ibadah na ampit tu ulaon dohot na masa, na so diatur dope di Agenda HKBP.
d.Pasahathon hasil ni Komisi tu Ketua Rapot Pandita gabe sihataan di Rapot Pandita.
Uluanna
Ketua Komisi Liturgi dohot Ibadah na pinillit ni Uluan HKBP sian tongatonga ni pandita ruas ni komisi i.
Ruasna
a.Dua halak dosen teologi
b.Sahalak praeses
c.Sahalak pandita resort
d.Sahalak guru huria
e.Sahalak ahli musik gerejawi
f.Sahalak ruas ni huria
g.Sahalak bibelvrouw
h.Sahalak diakones
i.Sahalak sintua
j.Sahalak naposobulung

3.Komisi Beasiswa
Ulaonna
a.Mamingkiri hagaganda ni parbinotoan dohot hatauon ni pangula ni HKBP marhite angka kursus di dalam negeri dohot di luar negeri.
b.Manangkasi dohot manotophon angka sijalo beasiswa sian ruas ni huria hombar tu persyaratan na tinontuhon ni Komisi.
c.Manangkasi dohot manotophon angka pangidoan ni na naeng manorushon parsiajaranna.
d.Paborhathon angka na naeng manorushon parsiajaran manang parsingkolaan hombar tu haporluan ni HKBP.
e.Paborhathon angka pangula manambai pengalaman marhite kunjungan di dalam negeri dohot luar negeri.
f.Mangurupi angka anakhon ni parhalado manang ruas ni huria na so tuk pasingkolahon anakhonna.
g.Patupahon program mangalului dana na ringkot tu Komisi on, sian huria marsadasada, angka badan huria na di dalam negeri dohot di luar negeri
h.Pasahathon rencana kerja dohot anggaranna tu Uluan HKBP asa ditotophon.
i.Patupa evaluasi dohot pasahathon laporan pertanggungjawaban Komisi tu Uluan HKBP na umotikna sahali sataon.
Uluanna
Ketua Komisi Beasiswa na pinillit ni Uluan HKBP sian ruas ni Komisi.
Ruasna
a.Dua halak ruas ni Majelis Pekerja Sinode
b.Dua halak praeses.
c.Dua halak sian lembaga
d.Sada halak sian Universitas HKBP Nommensen.
e.Dua halak sian Badan Penyelenggara Pendidikan HKBP.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s