Na hona RPP


RUHUT PARMAHANION DOHOT PAMINSANGON
Na hona RPP.

Sipinsangon ni huria do angka namangalaosi, partohonan manang ruas ni huria, i ma parpangalaho na maralo tu Hata ni Debata na mangulahon dosa na patar manang na buni. Alai maol do botoon taringot tu dosa na buni. Masuk tuson do angka hasalaan na manggagat songon burbur, gabe songon tasik ni bosi na maol longkangan, na pola tahe sai diampini halak hasalaan i. Mansai jorbut do panghorhon ni dosa na buni, pola dipartahanhon jala dihalomohon halak laho mangulahonsa ai gabe utang i dihilala rohana molo so diulahon hasalaan i. Sipata do angka halak sisongon on martopenghon kebudayaan manang ekonomi laho mangulahonsa, ai sai adong do hagogoon na manait rohana, gabe lam madabu jala mago ma haporseaon dohot ngolu partondion dohot ngolu parhuriaonna. Debata do na manguhumi pangalaosion na buni.

Siingoton ni na mandalanhon Ruhut Parmahanion dohot Paminsangon. Ia angka na mandalanhon Ruhut Parmahanion dohot Paminsangon, naeng ma na mangalehon tingkina dohot rohana songon parmahan na pauliulihon tondi ni pangalaosi i unang ma songon panguhum. Ndang sintong pardalan ni Ruhut Parmahanion dohot Paminsangon, ia pintor dihudus mandabu paminsangon so jolo ditopot jala ditangkasi hasalaan i (hurang hatorangan na tangkas/bukti). Unang ma dipaujung paminsangon i marhite na holan sahali marrapot, alai naeng ma dua tolu hali. Molo maol dihatai, unang tompu, ai dokdok do ulaon manguhumi. Asa tagan so diputushon dope paminsangon i, naeng ma jolo tangkas dapot hatorangan pambahenan ni pangalaosi i ro di alana umbahen dilaosi ibana patik ni Debata. Jumolo ma begeon hatorangan i sian pangalaosi i sandiri, ndang sian halak na asing. Unang ma masidokdoki didalanhon paminsangon i. Unang mamilimili manang marnida bohi laho padalanhonsa. Unang ma dipangke (diperalat) Ruhut Parmahanion dohot Paminsangon I laho pasombu tagas mamaloshon manang paduruhon dongan, tarlobi molo adong parsalisian dohot hamaolon di huria. Ingkon di bagasan holong ni roha ma angka na mandalanhon Ruhut Parmahanion dohot Paminsangoni.

Iklan

One comment

  1. Trimakasih banyak amang

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s